តារាកូរ៉េមួយរូបបាត់បង់ជីវិតទាំងវ័យក្មេង និងអាថ៌កំបាំង
កូរ៉េខាងត្បូង ៖ តារាសម្តែងកូរ៉េខាងត្បូងនាង Song Yoo-jung ដែលត្រូវបានគេស្គាល់យ៉ាងច្បាស់តាមរយៈរឿងភាគទូរទស្សន៍ ដែលមានចំណងជើងថា «Make Your Wish»…
កូរ៉េខាងត្បូង ៖ តារាសម្តែងកូរ៉េខាងត្បូងនាង Song Yoo-jung ដែលត្រូវបានគេស្គាល់យ៉ាងច្បាស់តាមរយៈរឿងភាគទូរទស្សន៍ ដែលមានចំណងជើងថា «Make Your Wish» បានបាត់បង់ជីវិតហើយក្នុងវ័យ២៦ឆ្នាំ កាលពីថ្ងៃទី ២៣ មករា កន្លងទៅ។
ដំណឹងមរណភាពរបស់តារាស្រីរូបនេះ ត្រូវបានបញ្ជាក់ដោយក្រុមហ៊ុនតំណាងរបស់នាងគឺ Sublime Artist Agency។ ប៉ុន្តែមូលហេតុនៃការស្លា.ប់មិនត្រូវបានបង្ហាញឱ្យដឹងភ្លាមៗនៅឡើយទេ។ ខណៈដែលពិធីដង្ហែសពនឹងត្រូវធ្វើឡើងនៅរសៀលថ្ងៃច័ន្ទនេះក្នុងទីក្រុងសេអ៊ូល (Seoul)។
ទោះបីជាមូលហេតុនៃការស្លា.ប់របស់ Yoo-jung មិនត្រូវបានបញ្ជាក់ជាផ្លូវការក៏ដោយ ក៏មានព័ត៌មានថ្មីៗជាច្រើននៅកូរ៉េខាងត្បូងបានចុះផ្សាយថាតារាស្រីរូបនេះបានធ្វើអ.ត្ត.ឃា.ត ប៉ុន្តែអត្ថបទទាំងនោះត្រូវបានកែប្រែភ្លាមៗនៅពេលក្រោយ ដោយធ្វើឱ្យគ្រប់គ្នាមានចម្ងល់យ៉ាងខ្លាំង។
សូមរំលឹកថា Song Yoo-jung បានចាប់ផ្តើមអាជីពជាតារាបង្ហាញម៉ូតគ្រឿងសំអាង មុនផ្លាស់ប្តូរមកចាប់អាជីពជាតារាសម្ដែងនៅឆ្នាំ ២០១៣ ដោយក្នុងនោះរឿងដំបូងដែលនាងសម្តែងគឺមានចំណងជើងថា «Golden Rainbow»។
សម្ពាធការងារក្នុងវិស័យកម្សាន្តរបស់កូរ៉េខាងត្បូងត្រូវបានមើលឃើញថា កំពុងក្លាយជាក្តីកង្វល់ដ៏ធំ បន្ទាប់ពីកន្លងមកមានសិល្បករ-សិល្បការីនីជាច្រើនបានធ្វើអ.ត្ត.ឃា.តជាបន្តបន្ទាប់ ដោយក្នុងនោះរួមមានទាំងកំពូលតារាចម្រៀង K-pop គឺនាង Sulli និង Goo Hara ផងដែរ៕ (ដកស្រង់ចេញពី South China Morning Post)
ចែករំលែកព័តមាននេះ