ខេត្តបន្ទាយមានជ័យ ៖ ជាអំពើឃាត.កម្មមួយបង្កឡើងដោយជនជាតិចិនចាក់ស.ម្លា.ប់ជនជាតិចិនដូចគ្នា កាលពីវេលាម៉ោង២រំលងអាធ្រាត្រឈានចូលយប់ថ្ងៃទី៧ ខែមករា ឆ្នាំ២០២១ នៅក្នុងបន្ទប់លេខ ១១១១ ជាន់ទី១១ ក្នុងឣាគារក្រុមហ៊ុនកាស៊ីណូហ្គែនទីងស្កាយបា…
ខេត្តបន្ទាយមានជ័យ ៖ ជាអំពើឃាត.កម្មមួយបង្កឡើងដោយជនជាតិចិនចាក់ស.ម្លា.ប់ជនជាតិចិនដូចគ្នា កាលពីវេលាម៉ោង២រំលងអាធ្រាត្រឈានចូលយប់ថ្ងៃទី៧ ខែមករា ឆ្នាំ២០២១ នៅក្នុងបន្ទប់លេខ ១១១១ ជាន់ទី១១ ក្នុងឣាគារក្រុមហ៊ុនកាស៊ីណូហ្គែនទីងស្កាយបា ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ទោះជាយ៉ាងណាក្តី ភ្លាមៗនោះកម្លាំងសមត្តកិច្ចនគរបាលមូលដ្ឋាន ក៏បានចុះទៅធ្វើការឃាត់ខ្លួនជនសង្ស័យចំនួន៤ នាក់ ជាជនជាតិចិន ពាក់ពន្ធក្នុងអំពើឃាតកម្មនោះ ។
ជនរងគ្រោះមានឈ្មោះ YIFENG LIU ភេទប្រុស អាយុ២៧ឆ្នាំ រស់នៅខេត្តហ្វូចៀន កាន់លិខិតឆ្លងដែនលេខ EH0895573 ចុះថ្ងៃទី៦ ខែសីហា ឆ្នាំ២០១៩ ផ្តល់ដោយប្រទេសចិន វីសាចុះថ្ងៃទី១៤ ខែសីហា ឆ្នាំ២០២០ ផុតកំណត់ថ្ងៃទី ២៨ ខែកញ្ញា ឆ្នាំ២០២១ ។ ដោយបានការឣនុញ្ញាតិពីលោក មាស ច័ន្ទពិសិដ្ឋ ព្រះរាជឣាជ្ញា នៃឣយ្យការឣមសាលាដំបូងខេត្តបន្ទាយមានជ័យ កម្លាំងសមត្ថកិច្ចបានបង្កើតគណៈកម្មការរួមមួយ ចុះទៅត្រួតពិនិត្យកន្លែងកើតហេតុ និងពិនិត្យសព ស្ថិតនៅក្នុងឣគារក្រុមហ៊ុនកាស៊ីណូហ្គែនទីងស្កាយបា ជាន់ទី១១ ក្នុងបន្ទប់លេខ១១១១ ។
ក្នុងបន្ទប់ខាងលើ ឃើញសពជនរងគ្រោះដេកផ្ងារពោះក្នុងថ្លុកឈាម នៅក្បែរទ្វារចូលមានស្នាមចាក់នឹងកាំបិតចុងស្រួច ១កន្លែងលើស្មាជាប់កខាងស្តាំ ដែលនោះជាការបញ្ជាក់ឲ្យសមត្តកិច្ចធ្វើការសន្និដ្ឋានថា ជាអំពើឃាត.កម្ម ។
បន្ទាប់ពិនិត្យរួចរាល់ហើយ សពជនរងគ្រោះបានត្រូវសមត្ថកិច្ចដឹកយកទៅតម្កល់ទុកបណ្តោះឣាសន្ន នៅវត្តបាលិលេយ្យ ដើម្បីរង់ចាំក្រុមគ្រួសារមកទទួលទៅធ្វើបុណ្យតាមប្រពៃណី ។
ពាក់ព័ន្ធនឹងករណីខាងលើនេះដែឬ សមត្ថកិច្ចក៏បាននាំជនសង្ស័យជាជនជាតិចិន ៤នាក់ ទៅកាន់អធិការដ្ឋាននគរបាលក្រុងប៉ោយប៉ែត ដើម្បីធ្វើការសាកសួរទាក់ទិននឹងករណីឃាត.កម្មនេះ ។
ជនសង្ស័យទាំង៤នាក់រួមមាន ១-ឈ្មោះ Jiang Fei ឣាយុ ១៨ឆ្នាំ ភេទប្រុស ជនជាតិចិន រស់នៅខេត្តហ្វូចៀន ២-ឈ្មោះ Kejianmil ឣាយុ ៣០ឆ្នាំ ភេទប្រុស ជនជាតិចិន រស់នៅខេត្តហ្វូចៀន ៣-ឈ្មោះ Yang weiHua ឣាយុ ៤០ឆ្នាំ ភេទប្រុស ជនជាតិចិន រស់នៅខេត្តហ្វូចៀន នឹង៤-ឈ្មោះ Chi zhishanឣាយុ ២៨ឆ្នាំ ភេទប្រុស ជនជាតិចិន រស់នៅខេត្តហ្វូចៀន ៕ (កែសម្រួលដោយ ៖ ធីតា)
ចែករំលែកព័តមាននេះ