បែលហ្ស៊ិក៖តាមប្រភពព័ត៌មាន CNN បានឱ្យដឹងថា ដើម្បីប្រឆាំងនឹងការកើនឡើងនៃការឆ្លងជំងឺកូវីដ ការចូលមន្ទីរពេទ្យ និងមរណភាព នាយករដ្ឋមន្ត្រីបែលហ្ស៊ិក Alexander De Croo…
បែលហ្ស៊ិក៖តាមប្រភពព័ត៌មាន CNN បានឱ្យដឹងថា ដើម្បីប្រឆាំងនឹងការកើនឡើងនៃការឆ្លងជំងឺកូវីដ ការចូលមន្ទីរពេទ្យ និងមរណភាព នាយករដ្ឋមន្ត្រីបែលហ្ស៊ិក Alexander De Croo បានប្រកាសនៅថ្ងៃសុក្រនេះថា វិធានការណ៍នៃការចាក់សោថ្មីនឹងត្រូវបានដាក់លើប្រទេសនេះរយៈពេល ៦សប្តាហ៍ ដោយចាប់ផ្តើមពីយប់ថ្ងៃអាទិត្យ។
លោកនាយករដ្ឋមន្ត្រី De Croo បានថ្លែងនៅក្នុងសន្និសីទសារព័ត៌មានថា៖ “មានជម្រើសតែមួយគត់ហើយនោះ គឺសម្រាប់យើងទាំងអស់គ្នាដើម្បីគាំទ្រដល់វិស័យសុខាភិបាលរបស់យើងតាមដែលយើងអាចធ្វើបាន។ យើងត្រូវដាក់កម្រិតលើទំនាក់ទំនងរាងកាយឱ្យបានច្រើនតាមដែលអាចធ្វើទៅបាន។ យើងនឹងត្រលប់ទៅរកការចាក់សោរយ៉ាងតឹងរ៉ឹង ដែលមានគោលបំណងតែមួយគត់ គឺធានាថាប្រព័ន្ធថែទាំសុខភាពរបស់យើងមិនដួលរលំទេ។”
លោកបានបន្ថែមថា៖ “វិធានការណ៍នេះគឺជាឱកាសចុងក្រោយរបស់បែលហ្ស៊ិក ប្រសិនបើយើងចង់កាត់បន្ថយការកើនឡើងនេះ។ ការចាក់សោនេះ នឹងចូលជាធរមាននៅយប់ថ្ងៃអាទិត្យ ហើយនឹងនៅតែមានរហូតដល់ថ្ងៃទី១៣ ខែធ្នូ។”
វិធានការចាក់សោថ្មីរួមមាន ការបិទហាងដែលមិនចាំបាច់ទាំងអស់ ប៉ុន្តែការដឹកជញ្ជូនតាមផ្ទះនិងការប្រមូលត្រូវបានអនុញ្ញាត។ ចំណែកឯ ផ្សារទំនើបនិងហាងលក់គ្រឿងទេសនឹងនៅតែបើកដំណើរការ។ ចំពោះវិជ្ជាជីវៈមិនមែនវេជ្ជសាស្ត្រ ដែលត្រូវការការទាក់ទងជិតស្និទ្ធដូចជាជាងកាត់សក់ ជាងធ្វើសក់ ឬអ្នកកែសម្ផស្សនឹងត្រូវបង្ខំឱ្យបិទ។ ការធ្វើការពីផ្ទះនឹងនៅតែជាកាតព្វកិច្ចសម្រាប់អ្នកដែលអាចធ្វើបាន។ វិស្សមកាលសាលារៀននឹងត្រូវបានពន្យារពេលរហូតដល់ថ្ងៃទី១៥ ខែវិច្ឆិកា៕
ចែករំលែកព័តមាននេះ