ថៃ៖តាមប្រភពព័ត៌មាន Bangkok Post បានឱ្យដឹងថា ក្រសួងសុខាភិបាលថៃ បានស្នើឱ្យមានរយៈពេលធ្វើចត្តាឡីស័កសម្រាប់ភ្ញៀវទេសចរត្រូវបន្ថយពី ១៤ថ្ងៃ ទៅត្រឹម ១០ថ្ងៃ ហើយនឹងស្នើឱ្យមជ្ឈមណ្ឌលរដ្ឋបាលកូវីដ១៩…
ថៃ៖តាមប្រភពព័ត៌មាន Bangkok Post បានឱ្យដឹងថា ក្រសួងសុខាភិបាលថៃ បានស្នើឱ្យមានរយៈពេលធ្វើចត្តាឡីស័កសម្រាប់ភ្ញៀវទេសចរត្រូវបន្ថយពី ១៤ថ្ងៃ ទៅត្រឹម ១០ថ្ងៃ ហើយនឹងស្នើឱ្យមជ្ឈមណ្ឌលរដ្ឋបាលកូវីដ១៩ ផ្លាស់ប្តូរតម្រូវការនេះឱ្យបានឆាប់។
លេខាធិការអចិន្ត្រៃយ៍សម្រាប់សុខភាពសាធារណៈ លោក Kiattiphum Wongrajit បាននិយាយកាលពីថ្ងៃពុធថា លោកមានទំនុកចិត្តថា រលកនៃកូវីដ១៩ នៅប្រទេសថៃនឹងមិនអាក្រក់ដូចលើកទី១នោះទេ ដោយសារវិធានការបង្ការដ៏ទូលំទូលាយរបស់ប្រទេសជាពិសេសទាក់ទងនឹងការម៉ាស់នៅតាមទីសាធារណៈ។
លោក Kiattiphum បានលើកឡើងថា ប្រសិនបើទោះបីជាបើថៃមានរលកទី២ធ្ងន់ធ្ងន់មែននោះ ក៏អាចទប់ស្កាត់ការរីករាលដាលដោយប្រើប្រាស់ពេលត្រឹមតែមួយខែដែរ។
អគ្គនាយកនៃនាយកដ្ឋានសេវាកម្មវេជ្ជសាស្ត្រលោក Somsak Akksilp បាននិយាយថា មានគ្រែពេទ្យប្រហែល ២,០០០ អាចរកបាននៅទូទាំងប្រទេសសម្រាប់អ្នកជំងឺកូវីដ១៩។ ទីក្រុងបាងកកមានសមត្ថភាពព្យាបាលអ្នកជំងឺប្រមាណពី ២៣០ ទៅ ៤០០ នាក់ ក្នុងមួយថ្ងៃ ហើយនៅសល់នៃប្រទេសនេះមានអ្នកជម្ងឺចំនួន ១,០០០ ទៅ ១,៧០០នាក់ក្នុងមួយថ្ងៃ។
លោកវេជ្ជបណ្ឌិត Somsak បានបញ្ជាក់ថាប្រទេសថៃមានថ្នាំនិងឧបករណ៍វេជ្ជសាស្ត្រគ្រប់គ្រាន់សម្រាប់ព្យាបាលអ្នកជម្ងឺកូវីដ១៩ ហើយប្រទេសនេះកំពុងស្ថិតក្នុងដំណើរការផលិតថ្នាំប្រឆាំងនឹងជំងឺផ្តាសាយផ្ទាល់របស់ខ្លួនឈ្មោះ Favipiravir ។ថ្នាំប្រឆាំងនឹងមេរោគនេះ អាចកាត់បន្ថយរោគសញ្ញាលើអ្នកជំងឺកូវីដមានគួរឱ្យកត់សម្គាល់ផងដែរ៕ ដកស្រង់ចេញពីវេបសាយ ៖ bangkokpost
ចែករំលែកព័តមាននេះ