រាជធានីភ្នំពេញ ៖ បុរសជនជាតិចិនម្នាក់បានបើករថយន្តមួយគ្រឿងដោយរួមដំណើរដោយបុរស០២នាក់ទៀត បានបើកទៅបុករថយន្តមួយគ្រឿងទៀតដែលចតនៅចិញ្ចើមផ្លូវហើយព្យាយាមបើករត់គេចខ្លួនក៏ជ្រុលទៅបុកម៉ូតូមួយគ្រឿងទៀតបណ្តាលក្រឡាប់រថយន្តសន្លប់អ្នកបើកបរ និងអ្នកជិះម៉ូតូរបួសធ្ងន់ស្រាល ។ ហេតុការណ៏នេះកើតឡើងកាលពីវេលាម៉ោង ១២និង៣០នាទីរំលងអធ្រាត្រ ឈានចូលថ្ងៃទី ២២ ឧសភា ២០១៤ នៅចំណុចមុខ ធនាគារ ABA Bank តាមផ្លូវព្រះសីហនុ ស្ថិតក្នុងសង្កាត់ចតុមុខ ខណ្ឌដូនពេញ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេបានឃើញរថយន្តឡិចស៊ីសRX470 មួយគ្រឿងពណ៌ខ្មៅ ពាក់ស្លាកលេខភ្នំពេញ 2E-2529 ភ្នំពេញបើកដោយបុរសជនជាតិចិនម្នាក់និងរួមដមណើរដោយបុរស០២នាក់ទៀតក ក្នុងទិសដៅពីកើតទៅលិច តាមផ្លូវព្រះសីហនុ ក៏បានទៅបុកចំចំហៀងខាងឆ្វេងរថយន្តកាម៉ារីឆ្លាមពណ៌ខ្មៅមួយគ្រឿង ពាក់ស្លាកលេខភ្នំពេញ 2D-1105 ដែលចតនៅចិញ្ចើមផ្លូវហើយព្យាយាមបើករត់មកដល់ចំណុចជិតស្តុបត្រសក់ផ្អែមក៏បានជ្រុលទៅបុកម៉ូតូស្កុបពីមួយគ្រឿងទៀត ពណ៌ផ្កាឈូក ពាក់ស្លាកលេខភ្នំពេញ 1CC-8557 ដែលជិះដោយមនុស្សប្រុសម្នាក់និងស្រី០២នាក់ បណ្តាលឱ្យរបួសធ្ងន់ស្រាល ចំណែករថយន្តបានក្រឡាប់និងអ្នកបើកបររថយន្តសន្លប់នៅនិងកន្លែង។
ក្រោយពេលកើតហេតុជនរងគ្រោះរបួសធ្ងន់ស្រាលត្រូវបានគេបញ្ជូនទៅសង្រ្គោះនៅមន្ទីរពេទ្យ ចំណែករថយន្តបង្កនិងម៉ូតូត្រូវបានសមត្ថកិច្ចយកទៅរក្សាទុកនៅជំនាញនគរបាលចរាចរណ៏ក្រុងភ្នំពេញរងចាំការដោះស្រាយគ្នាតាមផ្លូវច្បាប់។
ចែករំលែកព័តមាននេះ