កាលពីពេលថ្មីៗនេះ រដ្ឋមន្ត្រីក្រសួងពាណិជ្ជកម្មថៃ បានថ្លែងបដិសេធទៅនឹងការស្នើសុំឥណទានបន្ថែមចំនួន៤០ពាន់លានបាត ស្មើនឹង១,២៣៧ពាន់លានដុល្លារអាមេរិក ពីថវិកាកណ្តាលរបស់រដ្ឋ ដើម្បីផ្តល់ជូនកសិករសម្រាប់បំពេញការប្តេជ្ញាចិត្តផលិតស្រូវអង្ករឱ្យរដ្ឋាភិបាល ដោយលោកបានអះអាងថាវាគឺជាទំនួលខុសត្រូវរបស់ក្រសួងហិរញ្ញវត្ថុនៅក្នុងការខ្ចី២,៧៧ពាន់លានដុល្លារតាមផែន
កាលពីពេលថ្មីៗនេះ រដ្ឋមន្ត្រីក្រសួងពាណិជ្ជកម្មថៃ បានថ្លែងបដិសេធទៅនឹងការស្នើសុំឥណទានបន្ថែមចំនួន៤០ពាន់លានបាត ស្មើនឹង១,២៣៧ពាន់លានដុល្លារអាមេរិក ពីថវិកាកណ្តាលរបស់រដ្ឋ ដើម្បីផ្តល់ជូនកសិករសម្រាប់បំពេញការប្តេជ្ញាចិត្តផលិតស្រូវអង្ករឱ្យរដ្ឋាភិបាល ដោយលោកបានអះអាងថាវាគឺជាទំនួលខុសត្រូវរបស់ក្រសួងហិរញ្ញវត្ថុនៅក្នុងការខ្ចី២,៧៧ពាន់លានដុល្លារតាមផែនការណ៍ ។
លោកបានបន្ថែមថា ក្រសួងនឹងសងសរុបជាមួយនឹងឥណទាន២០ពាន់លានបាត (៦១៨,៨២លានដុល្លារអាមេរិក) ពីថវិកាកណ្តាលទៅតាមកាលកំណត់នាខែក្រោយ មុនពេលនឹងធ្វើការសម្រេចស្វែងរកឥណទានបន្ថែម ។ ជាងនេះទៅទៀត ក្រសួងបានរៀបចំបង្វែរទឹកប្រាក់១០ពាន់លានបាត (៣០៩,៤១លានដុល្លារ) ទៅក្រសួងហិរញ្ញវត្ថុ កាលពីខែមុន បន្ទាប់ពីការលក់អង្ករចេញពីស្តុករបស់ខ្លួន ហើយថែមទាំងមានក្តីរំពឹងថាផ្តល់ឱ្យបន្ថែមទៀតចំនួន៥ពាន់លានបាត (១៥៤,៧០លានដុល្លារ) នៅក្នុងខែនេះ ។ ដើម្បីជួយដល់កសិករដែលកំពុងរងទុក្ខពីការសងប្រាក់ហួសកាលកំណត់សង ក្រសួងកំពុងរង់ចាំឥណទាន ដែលត្រូវបានរៀបចំដោយក្រសួងហិរញ្ញវត្ថុ ។
រដ្ឋាភិបាលបានផ្តល់ឱ្យកសិករប្រមាណជា១០០ពាន់លានបាត (៣ពាន់លានដុល្លារ) ប៉ុន្តែនៅតែហួសកំណត់សងចំនួន៩០ពាន់លានបាត (២,៧ពាន់លានដុល្លារ) ។ ប្រទេសថៃ បានប្តេជ្ញាផ្គត់ផ្គង់អង្ករឱ្យបានមួយលានតោនក្នុងមួយឆ្នាំ ដើម្បីនាំចេញទៅប្រទេសហ្វ៊ីលីពីននៅឆ្នាំចុងក្រោយ រហូតដល់ឆ្នាំ២០១៧ ។ សម្រាប់ឆ្នាំនេះ ថៃមានក្តីរំពឹងថានឹងបញ្ជូនអង្ករបានប្រហែល១,៤លានតោនទៅប្រទេសហ្វ៊ីលីពីន ៕
ចែករំលែកព័តមាននេះ