ខេត្តកំពង់ចាម ៖កម្លាំងប៉ុស្តិ៍រដ្ឋបាលឃុំព្រះធាតុ ស្រុកអូររាំងឪ បានឃាត់ជនសង្ស័យឈ្មោះ ឆយ ណាន ភេទបុ្រស អាយុ ៣៦ ឆ្នាំ នៅព្រឹកថ្ងៃទី ២១ មេសា ២០១៤ ដោយជាប់ចោទចាប់កូនស្រីបង្កើតមិនគ្រប់ទឹកអាយុ ១៦ឆ្នាំរំលោភសេពសន្ថវៈនៅលើផ្ទះរបស់ខ្លួនរហូតបានសម្រេច។
ខេត្តកំពង់ចាម ៖កម្លាំងប៉ុស្តិ៍រដ្ឋបាលឃុំព្រះធាតុ ស្រុកអូររាំងឪ បានឃាត់ជនសង្ស័យឈ្មោះ ឆយ ណាន ភេទបុ្រស អាយុ ៣៦ ឆ្នាំ នៅព្រឹកថ្ងៃទី ២១ មេសា ២០១៤ ដោយជាប់ចោទចាប់កូនស្រីបង្កើតមិនគ្រប់ទឹកអាយុ ១៦ឆ្នាំរំលោភសេពសន្ថវៈនៅលើផ្ទះរបស់ខ្លួនរហូតបានសម្រេច។
លោកវរៈសេនីយ៏ត្រី លឿង រដ្ឋា អធិការនគរបាលស្រុកអូររាំងឪ បានប្រាប់ឲ្យដឹងថា នៅពេលល្ងាចថ្ងៃទី២០ មេសា បុរសជាឪពុកបានទៅចូលរួមមង្គលការគេនៅក្នុងភូមិ ដោយជួបជុំមិត្តភក្តិផងនោះបានផឹកស្រាបៀររហូតស្រវឹងធ្លាក់ភ្នែក ហើយនៅពេលយប់បានត្រឡប់មកផ្ទះវិញ ។
លោកវរៈសេនីយ៏ត្រី លឿង រដ្ឋា អធិការនគរបាលស្រុកអូររាំងឪ បានប្រាប់បន្តថា រហូតដល់វេលាម៉ោងប្រហែល១១យប់ បុរសឈ្មោះ ណាន បានសសៀរៗបំរុងទៅអីៗ ប្រពន្ធរបស់ខ្លួនមិនឲ្យលុះពេលយប់ស្ងាត់ក៏ឪពុកនេះ បានចាប់កូនស្រីមិនគ្រប់ទឹកឈ្មោះ« ណ.រ.ច.ន » រំលោភសេពសន្ថវៈរហូតបានសម្រេចតាមចំណងកាមតណ្ហា ។ លុះមកដល់វេលាម៉ោង១១ ព្រឹកថ្ងៃទី ២១ មេសា ស្ត្រីជាម្តាយបានប្តឹងមករូបលោក (លឿង រដ្ឋា ) តាមទូរស័ព្ទដើម្បីឲ្យជួយអន្តរាគមន៏ចាប់បុរសជាប្តី បន្ទាប់ពីទទួលបាន បណ្តឹងនេះភ្លាម ក៏បានចាត់ឲ្យកម្លាំងប៉ុស្ត៏រដ្ឋបាលឃុំព្រះធាតុ ចុះទៅកាន់ភូមិថ្មីកណ្តាល ឃុំព្រះធាតុដោយបានហៅបុរសជាប្តីមកប៉ុស្តិ៍។ ហើយបានឆ្លើយសារភាពថា ខ្លួនពិតជាបានចាប់រំលោភកូនស្រីបង្កើតមិនគ្រប់ទឹក រំលោភសេពសន្ថវៈដោយពិតប្រាកដមែន នៅលើផ្ទះរបស់ខ្លួនដោយសារតែស្រវឹងស្រាក្រោយពីត្រឡប់មកពីការអ្នកភូមិវិញ ។
លោកវរៈសេនីយ៏ត្រី លឿង រដ្ឋា អធិការនគរបាលស្រុកអូររាំងឪ បានបញ្ជាក់ថា ជនសង្ស័យឈ្មោះឆយ ណាន នាល្ងាចថ្ងៃទី ២១ មេសា កំពុងស្ថិតនៅអធិការដ្ឋាននគរបាលស្រុកអូររាំងឪ ដោយកម្លាំងសមត្ថកិច្ចកំពុងតែរៀបចំកសាងសំណុំរឿង បញ្ជូនទៅកាន់ស្នងការដ្ឋាននគរបាលខេត្ត និងចាត់ការបន្តទៅសាលាដំបូងខេត្ត ដើម្បីផ្តន្ទាទោសតាមច្បាប់ ។ តាមបណ្តឹងរបស់ស្ត្រីជាប្រពន្ធវិញមិនអត់អោនឲ្យប្តីដែលបានប្រព្រិត្តនូវទង្វើដ៏ថោកទាបបែបនេះទេ ។
ចែករំលែកព័តមាននេះ