រាជធានីភ្នំពេញ ៖ រថយន្តហាយលែនឌ័រមួយគ្រឿង ព៌ណទឹកបា្រក់ពាក់ស្លាកលេខភ្នំពេញ 2Y 8119 បានបោលបុកបង្គោលភ្លើងរួចរេទៅបុករបងឃ្លំាងឡើងកល់លើរបងទៅមុខលែងរួច ។
ហេតុការណ៏នេះបានកើតឡើងនៅម៉ោង១០ និង ៣០នាទីយប់ថ្ងៃទី១៥ មេសា ២០១៤ នៅតាមផ្លូវ២០០៤ ចំណុចមុខឃ្លំាងលក់រថយន្តមានយីហោ ៧៧៧៧ របស់ក្រុមហ៊ុន Ratana Com.Auto Group ស្ថិតក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សំដីសមត្ថកិច្ចឲ្យដឹងថា នៅមុនពេលកើតហេតុរថយន្តខាងលើជិះគ្នា៤នាក់ ប្តីប្រពន្ឋនិងកូន ហើយបើកក្នុងល្បឿនលឿនក្នុងទិសដៅពីកើតទៅលិច លុះដល់ចំណុចកើតហេតុ មានរថយន្តមួយគ្រឿងទៀតបានបុកពីក្រោយ ធ្វើឲ្យរថយន្តហាយលែនឌ័ររេចង្កូតទៅស្តំាដៃក៏ជ្រុលទៅបុកបង្គោលភ្លើងអគ្គិសនីប ណ្តាលឲ្យទ្រេត និងប្រេះស្រំា រួចរថយន្តរេចង្កូតទៅបុករបងឃ្លាំង៧៧៧៧ ឡើងជិះលើរបងសំណាញ់កល់ជាប់ទៅមុខលែងរួចតែម្តង ។
ក្រោយកើតហេតុ ម្ចាស់រថយន្តបានគ្របរថយន្តទុកចោល លុះវេលាថ្ងៃត្រង់ថ្ងៃទី១៦ មេសា ២០១៤ ទើបចូលខ្លួនមកដោះស្រាយ និងស្ទូចរថយន្តយកទៅជួសជុលដោយខ្លួនឯង ។
សេចក្តីរាយការណ៏បានបន្តថា នៅក្នុងឧបទ្ទវហេតុគ្រោះថ្នាក់ចរាចរណ៍នេះ ម្ចាស់រថយន្តហាយលែនឌ័រ ដែលមានក្រុមហ៊ុនធានារ៉ាប់រងបានសម្របសម្រួលសងថ្លៃបង្គោលភ្លើងអគ្គិសនីចំនួន១៤០០ដុល្លារ និង ថ្លៃជួសជុលរបងឃ្លំាងចំនួន៤៥០ដុល្លារ បញ្ចប់រឿងដោយមិនរំខានប៉ូលិសឡើយ ៕
ចែករំលែកព័តមាននេះ