រាជធានីភ្នំពេញ ៖ បុរសម្នាក់បង្រៀនប្រពន្ធរបស់ខ្លួន ឲ្យបើកបររថយន្ត នាងច្រឡំជាន់ហ្គែរស្មានថាជាហ្វ្រាំងបណ្ដាលឲ្យបោលទៅបុកចូល ក្នុងហាងលក់សាច់ក្រកមួយកន្លែង រងរបួសស្រ្តីអ្នកលក់សាច់ក្រកម្នាក់យ៉ាងដំណំ ។ហេតុការណ៏នេះកើតឡើងកាលពីវេលាម៉ោង១២និង៤៥នាទី ថ្ងៃទី៣០ ខែមីនា ឆ្នាំ២០១៤ នៅចំណុចហាងលក់សាច់ក្រកមួយ យីហោជំនោរជាយក្រុង
រាជធានីភ្នំពេញ ៖ បុរសម្នាក់បង្រៀនប្រពន្ធរបស់ខ្លួន ឲ្យបើកបររថយន្ត នាងច្រឡំជាន់ហ្គែរស្មានថាជាហ្វ្រាំងបណ្ដាលឲ្យបោលទៅបុកចូល ក្នុងហាងលក់សាច់ក្រកមួយកន្លែង រងរបួសស្រ្តីអ្នកលក់សាច់ក្រកម្នាក់យ៉ាងដំណំ ។ហេតុការណ៏នេះកើតឡើងកាលពីវេលាម៉ោង១២និង៤៥នាទី ថ្ងៃទី៣០ ខែមីនា ឆ្នាំ២០១៤ នៅចំណុចហាងលក់សាច់ក្រកមួយ យីហោជំនោរជាយក្រុង(ចែហួ) ដែលមានទីតាំងស្ថិតនៅតាម បណ្តោយផ្លូវជាតិលេខ៣ ក្នុងភូមិវត្តស្លែង សង្កាត់ពងទឹក ខណ្ឌដង្កោរាជធានីភ្នំពេញ។
រថយន្តបង្កហេតុមួយគ្រឿងនោះម៉ាកហាយឡែនឌ័រ ពណ៌ស្ករ ពាក់ស្លាកលេខភ្នំពេញ2U-3404បើកបរដោយស្រ្តីម្នាក់ឈ្មោះ ស្រី មុំ អាយុ៣៦ឆ្នាំ និងអ្នកបង្រៀនបើកបរគឺជា ប្តីរបស់នាងឈ្មោះ ស សាវុធ អាយុ៤៧ឆ្នាំ មុខរបរលក់ដូរ និងកូនប្រុសម្នាក់ជិះនៅក្នុងរថយន្តនោះ ជាមួយផង។ពួកគេ មានទីលំនៅក្នុង ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យរាជធានីភ្នំពេញ។ ចំណែកស្ត្រីអ្នកលក់សាច់ក្រក ដែលរងរបួសនោះ ឈ្មោះ ម៉េង ហួតចេង អាយុ៣០ឆ្នាំ ត្រូវបានគេបញ្ជូនទៅកាន់មន្ទីរពេទ្យ ដើម្បីសង្គ្រោះភា្លមៗ ក្រៅពីនេះបានធ្វើឲ្យម៉ូតូចំនួន៤គ្រឿងជារបស់ភ្ញៀវ ដែលចូលហូបសាច់ក្រកនៅហាងរងនូវការខូចខាតផងដែរ ចំណែកឯហាងលក់សាច់ក្រកនោះ ក៍មានការខូចខាតធ្ងន់ធ្ងរដែរ។
តាមប្រភពព័ត៌មានបានឲ្យ ដឹងថានៅមុនពេលកើតហេតុ បុរសនិងស្រ្តីទាំងពីរនាក់ប្ដីប្រពន្ធនោះ បានរៀនបើករថយន្ត ដោយបុរសជាប្ដីជាអ្នកបង្រៀន ស្រ្តីជាប្រពន្ធបើករថយន្ត និងបានយកកូនប្រុស ម្នាក់ទៅជាមួយផង បន្ទាប់មកពួកគេបាននាំគ្នាបើកទៅហូបសាច់ក្រកនៅ ម្ដុំវត្តស្លែង ។លុះក្រោយពេលហូបរួច ពួកគេបានចេញដំណើរ ដោយស្រ្តីជាប្រពន្ធជាអ្នកបើកបរ ទៀតនិងបានបើកឆ្លងផ្លូវ ក្នុងទិដៅពីលិចទៅកើត ក្នុងបំណងបត់ទៅទិសខាងជើងឆ្ពោះ ទៅផ្ទះវិញ។ខណៈនោះដោយសារតែការភាន់ច្រឡំ នាងបានជាន់ហ្គែរស្មានថាជាហ្វ្រាំង ធ្វើឲ្យរថយន្តនោះ បោលទៅបុកតូបលក់សាច់ក្រកខាងលើ និងបុកស្រ្តីម្នាក់កំពុង ឈរ អាំងសាច់ក្រក ក្បែរនោះ បណ្ដាលឲ្យរងរបួសធ្ងន់ ទើបទៅមុខលែងរួច ។
ប្រភពដដែលបានបន្តថាក្រោយពេលកើតហេតុរថយន្តបង្កនោះត្រូវបានកម្លាំងប៉ូលីសខណ្ឌដង្កោនាំយកទៅរក្សាទុកនៅអធិការដ្ឋានខណ្ឌដង្កោរង់ចាំការដោះស្រាយគ្នាតាមផ្លូវច្បាប់ ចំណែកជនរងគ្រោះត្រូវបានគេនាំទៅកាន់មន្ទីរពេទ្យដើម្បីសង្គ្រោះបន្ទាន់ភ្លាមៗហើយនៅពេលនោះបុរសជាប្ដីបានរាវជើងជាន់ហ្វ្រាំងដែរ ប៉ុន្តែដោយសារ ការភ័យស្លន់ពេកទើបរាវខុសៗប៉ះហើយចំហ្គែរកាន់តែធ្វើឲ្យរថយន្តនោះ លឿនខ្លាំងឡើងថែមទៀត ។
ចែករំលែកព័តមាននេះ