មនុស្សឋានលើ
ដោយ ៖ឈិត គឹមឆុន
ថ្ងៃអាទិត្យ ទី៩ ខែឧសភា ឆ្នាំ២០១០ ម៉ោង ០៩:១៨
យុវជនពីរនាក់ខ្សឹបខ្សៀវគ្នា ៖
-នែ, បងឯងដឹងទេ, ប្រពន្ធលោកសេហ្វយើងប្រហែលជាមនុស្សឋានលើទេដឹង ?
-ម៉េចបងឯងគិតអ៊ីចឹង?
-ព្រោះថ្ងៃមុនគាត់ជួបខ្ញុំនៅហាងគុយទាវគាត់ចេញថ្លៃគុយទាវឱ្យខ្ញុំ ហើយនិយាយតិចៗដាក់ត្រចៀកខ្ញុំថា ចាំថ្ងៃណាប្ដីគាត់មានការទៅបំពេញបេសកកម្មឆ្ងាយ គាត់ឱ្យខ្ញុំឡើងឋានសួគ៌ម្ដង។ ជួយគិតមើល បើគាត់មិនមែនមនុស្សឋានលើ ធ្វើម៉េចជួយឱ្យខ្ញុំឡើងឋានសួគ៌កើត ?
-អូ, ប្រហែលគាត់ជាមនុស្សឋានសួគ៌មែនហើយ, គាត់ធ្លាប់និយាយជាមួយខ្ញុំម្ដងអញ្ចឹងដែរ ។
