រាជធានីភ្នំពេញ ៖ បុរសជនជាតិអាមេរិកម្នាក់ស្រវឹងជោកជាំបើករថយន្តហោះចូលត្រាំក្នុងប្រឡាយទឹកស្អុយជម្រៅ៦ម៉ែត្រលិចបាត់ ហើយម្ចាស់រថយន្តហែលនៅក្នុងទឹកស្អុយត្រូវអ្នកឃើញហេតុការណ៍ជួយស្រង់ កាលពីវេលាម៉ោង១០ និង១៥នាទីយប់ ថ្ងៃទី២ មករា ២០១៤តាមផ្លូវលំវាលស្រែមាត់ប្រឡាយទឹកស្អុយ ស្ថិតក្នុងភូមិសំរោងទាវ សង្កាត់ក្រាំងធ្នង់ ខណ្ឌពោធិ៍សែនជ័យ។
រាជធានីភ្នំពេញ ៖ បុរសជនជាតិអាមេរិកម្នាក់ស្រវឹងជោកជាំបើករថយន្តហោះចូលត្រាំក្នុងប្រឡាយទឹកស្អុយជម្រៅ៦ម៉ែត្រលិចបាត់ ហើយម្ចាស់រថយន្តហែលនៅក្នុងទឹកស្អុយត្រូវអ្នកឃើញហេតុការណ៍ជួយស្រង់ កាលពីវេលាម៉ោង១០ និង១៥នាទីយប់ ថ្ងៃទី២ មករា ២០១៤តាមផ្លូវលំវាលស្រែមាត់ប្រឡាយទឹកស្អុយ ស្ថិតក្នុងភូមិសំរោងទាវ សង្កាត់ក្រាំងធ្នង់ ខណ្ឌពោធិ៍សែនជ័យ។
អ្នកឃើញហេតុការណ៍បានឱ្យដឹងថា មុនពេលកើតហេតុគេឃើញជនជាតិអាមេរិករូបនេះបើករថយន្តម៉ាកប៉ាហ្សេរ៉ូល ពណ៌ស្លែ លាយទឹកប្រាក់ធ្វើដំណើរតាមផ្លូវលំក្នុងទិសដៅពីលិចទៅកើត ដោយបើករថយន្តលឿនដូចហោះ ខណៈទៅដល់មាត់ច្រាំងប្រឡាយរថយន្តបួងចង្កូតបត់ឆ្វេងមិនទាន់បានហោះចូលប្រឡាយទឹកស្អុយធ្វើឱ្យរថយន្តលិចទៅបាតប្រឡាយបាត់ ចំណែកអ្នកបើកបរបានចុចកញ្ចក់រថយន្តរួចលូនចេញពីក្នុងរថយន្តហែលទឹកស្អុយ រួមជាមួយដបស្រាមួយដបត្រូវបានអ្នកឃើញហេតុការណ៍ជួយស្រង់យកមកលើគោកវិញ។
ជនជាតិអាមេរិករូបនេះឈ្មោះចន អ៊ីនដ្រូ ភេទប្រុស អាយុ៣៦ឆ្នាំ ធ្វើការនៅអង្គការក្រៅរដ្ឋាភិបាល ៕
ចែករំលែកព័តមាននេះ