ខេត្តតាកែវ ៖ បុរសម្នាក់ត្រូវរថយន្ត១គ្រឿងម៉ាកហ៊ីយ៉ាន់ដាយចំណុះ២តោនកិនមួយកំណាត់ខ្លួនចុះក្រោមរបួសធ្ងន់ ហើយបានស្លា.ប់ ខណៈបញ្ជូនទៅសង្គ្រោះនៅមន្ទីរពេទ្យបង្អែកខេត្តកាលពីវេលាម៉ោង១២ថ្ងៃត្រង់ ថ្ងៃទី២៩ វិច្ឆិកា ២០១៣ នៅភូមិព្រហ៊ូត សង្កាត់រកាក្រៅ ក្រុងដូនកែវ ។
ខេត្តតាកែវ ៖ បុរសម្នាក់ត្រូវរថយន្ត១គ្រឿងម៉ាកហ៊ីយ៉ាន់ដាយចំណុះ២តោនកិនខ្ទេចមួយកំណាត់ខ្លួនចុះក្រោមរបួសធ្ងន់ ហើយបានស្លាប់ ខណៈបញ្ជូនទៅសង្គ្រោះនៅមន្ទីរពេទ្យបង្អែកខេត្តកាលពីវេលាម៉ោង១២ថ្ងៃត្រង់ ថ្ងៃទី២៩ វិច្ឆិកា ២០១៣ នៅភូមិព្រហ៊ូត សង្កាត់រកាក្រៅ ក្រុងដូនកែវ ។
តាមប្រភពបានឱ្យដឹងថា មុនពេលកើតហេតុគេឃើញរថយន្តម៉ាកហ៊ីយ៉ាន់ដាយ និងម៉ូតូជនរងគ្រោះធ្វើដំណើរពីលិចទៅកើតស្របទិសគ្នា លុះដល់ចំណុចកើតហេតុជាផ្លូវកោងបត់ ជនរងគ្រោះបានបើកវ៉ារថយន្ត តែវ៉ាមិនផុតក៏ទាក់ដៃចង្កូតបណ្តាលឱ្យដួលចូលក្រោមកង់រថយន្តកិនមួយកំណាត់ខ្លួនចុះក្រោមរបួសធ្ងន់ ហើយបានស្លាប់ខណៈបញ្ជូនទៅមន្ទីរពេទ្យ។
ជនរងគ្រោះឈ្មោះញ៉ែម សំអុល ភេទប្រុស អាយុ២៥ឆ្នាំ ភូមិបាណន់ ឃុំខ្នាំងស្នាយ ស្រុកឈុក ខេត្តកំពត ជិះម៉ូតូម៉ាកឌ្រីមសេ១២៥ ពណ៌ខ្មៅ ពាក់ស្លាកលេខ១AV ៥២១៤ភ្នំពេញ ចំណែកអ្នកបើកបររថយន្តឈ្មោះទូច សុខា ភេទប្រុស អាយុ៣១ឆ្នាំ រស់នៅភូមិព្រៃមោក ឃុំស្រែរនោង ស្រុកត្រាំកក់ បើករថយន្តម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ៣A០២៦១កំពត ក្រោយកើតហេតុត្រូវប៉ូលិសឃាត់ខ្លួនភ្លាមៗ ។
ចែករំលែកព័តមាននេះ