រាជធានីភ្នំពេញ ៖ កាលពីវេលាម៉ោង២រសៀលថ្ងៃទី២១ វិច្ឆិកា នគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ បានឃាត់ខ្លួនបុរសម្នាក់ជាប្រធានក្រុមហ៊ុន អ៊ូយ សុភាព បេតុង បញ្ជូនទៅកាន់សាលាដំបូងរាជធានីភ្នំពេញ ដើម្បីសាកសួរពីរឿងហ៊ុនចូលខ្យល់ ។ ប្រធានក្រុមហ៊ុនរូបនេះឈ្មោះ អ៊ូយ សុភាព អាយុ៧០ឆ្នាំ មានទីលំនៅក្នុងក្រុងប៉ោយប៉ែត ខេត្តបន្ទាយមានជ័យ ។
ការឃាត់ខ្លួននេះ គឺសមត្ថកិច្ចអនុវត្តតាមបញ្ជាឱ្យចូលខ្លួនរបស់លោកគឹម រ័ត្នណារិន ចៅក្រមស៊ើបសួរសាលាដំបូងរាជធានីភ្នំពេញ ។ ដើមចមដែលនាំឱ្យមានការនាំខ្លួនលោកអ៊ូយ សុភាព ប្រធានក្រុមហ៊ុន អ៊ូយ សុភាព បេតុង មកកាន់សាលាដំបូងនេះ ប្រភពព័ត៌មានត្រូវបានឱ្យដឹងថា កន្លងទៅលោកអ៊ូយ សុភាព បានរកស៊ីដាក់ទុនជាមួយជនជាតិអាល្លឺម៉ង់ម្នាក់ឈ្មោះ ភីតធរ័ បើកធ្វើក្រុមហ៊ុនបេតុងលាយស៊ីម៉ង់ត៍ចាក់ថ្នល់ និងផ្ទះល្វែង ឬភូមិគ្រឹះផ្សេងៗ នៅក្រុងប៉ោយប៉ែត ។
ប្រភពព័ត៌មានបន្តថា ពេលបើកក្រុមហ៊ុនមួយនេះលោកអ៊ូយ សុភាព ឈរជាប្រធានដែលមានលោកភីតធរ័ ជាអ្នកបោះទុនមានទឹកប្រាក់ចំនួន៥០ម៉ឺនដុល្លារ ។ ក្រោយមកក្រុមហ៊ុននេះរកស៊ីមិនសមប្រកបខាតចុងខាតដើម លោកភីតធរ័ បានសុំដកភាគហ៊ុនយកលុយចំនួន៥០ម៉ឺនដុល្លារនោះវិញ ហើយដើរចេញដោយទុកក្រុមហ៊ុននោះឱ្យលោកអ៊ូយ សុភាពកាន់កាប់ម្នាក់ឯង ប៉ុន្តែលោកអ៊ូយ
សុភាពមិនព្រមហេតុនេះហើយបានជាលោកភីតធរ័ ដាក់ពាក្យបណ្តឹង ។
ចែករំលែកព័តមាននេះ