រាជធានីភ្នំពេញ ៖ ដោយស្ថានភាពវិស័យអចលនទ្រព្យនៅកម្ពុជា កំពុងមានសក្តានុពល និងមានការរីកចម្រើនជាលំដាប់នោះ សព្វថ្ងៃនេះ មានជនបរទេសមកពីបណ្តាប្រទេសនានា ក្នុងទ្វីបអាស៊ីក៏ដូចជានៅតាមបណ្តាប្រទេសជាច្រើនទៀតបានមកបណ្តាក់ទុនវិនិយោគលើវិស័យអចលនទ្រព្យ ។ ដោយហេតុថា សេដ្ឋកិច្ចកម្ពុជាបានបន្តការកើនឡើងទៅតាមការព្យាករណ៍ ហើយតម្លៃអចលន
រាជធានីភ្នំពេញ ៖ ដោយស្ថានភាពវិស័យអចលនទ្រព្យនៅកម្ពុជា កំពុងមានសក្តានុពល និងមានការរីកចម្រើនជាលំដាប់នោះ សព្វថ្ងៃនេះ មានជនបរទេសមកពីបណ្តាប្រទេសនានា ក្នុងទ្វីបអាស៊ីក៏ដូចជានៅតាមបណ្តាប្រទេសជាច្រើនទៀតបានមកបណ្តាក់ទុនវិនិយោគលើវិស័យអចលនទ្រព្យ ។ ដោយហេតុថា សេដ្ឋកិច្ចកម្ពុជាបានបន្តការកើនឡើងទៅតាមការព្យាករណ៍ ហើយតម្លៃអចលនទ្រព្យនៅកម្ពុជាក៏មានភាពធូរថ្លៃជាងបណ្តាប្រទេសជិតខាង ។
លោកសន សៀប នាយកគ្រប់គ្រងក្រុមហ៊ុនអចលនទ្រព្យ ឃី រៀលអីុស្ទេត (Key Real Estate) បានឱ្យដឹងថា បើតាមការសង្កេតមើលខាងក្រុមហ៊ុនខ្ញុំឃើញថា ជនបរទេសគាត់នៅតែបន្តមកបណ្តាក់ទុនវិនិយោគនៅប្រទេសកម្ពុជា លើគ្រប់វិស័យ ហើយចំពោះវិស័យអចលនទ្រព្យក៏ដូច្នោះដែរ ឃើញថា ពួកគាត់ចូលមកសាងសង់ជារោងចក្រ ជាខន់ដូរសម្រាប់លក់ ផ្ទះល្វែង វីឡា បុរីសម្រាប់លក់ ហើយក៏មានការសាងសង់ជាសណ្ឋាគារជាដើម ។ ប៉ុន្តែបើយើងក្រឡេកទៅមើលកាលពីក្រោយការបោះឆ្នោតហើយបន្តិច ឃើញថា ជនបរទេសមកវិនិយោគនៅកម្ពុជាក៏មានដែរ តែពួកគាត់ហាក់ដូចជាពន្យារពេលបន្តិច តែរហូតមកដល់ពេលនេះ យើងហាក់ដូចជាមិនមានការបារម្ភភ័យព្រួយអីទៀតនោះទេ ព្រោះជនបរទេសនៅតែបន្តមកបណ្តាក់ទុនដូចកាលពីមុនការបោះឆ្នោត និងបានបន្តការកើនឡើងថែមទៀត ។
លោកបន្តថា ហេតុផលដែលជនបរទេសមកបណ្តាក់ទុននៅកម្ពុជាយើងមានច្រើនតែបើតាមខ្ញុំគិតឃើញថា សក្តានុពលនៃទីផ្សារអាស៊ាន ជារឿងមួយ ដោយសំឡឹងមើលពីទីផ្សារអចលនទ្រព្យនៅកម្ពុជាយើងតម្លៃនៅទាបជាងបណ្តាប្រទេសផ្សេងៗ ហើយម្យ៉ាងកម្លាំងពលកម្មក៏នៅទាប ដូចនេះការវិនិយោគមានការហូរចូលច្រើន តែអ្វីដែលពិសេសនោះ ដោយគេសំឡឹងមើលពីកំណើនសេដ្ឋកិច្ចរបស់កម្ពុជា ដែលអាចផ្តល់ទំនុកចិត្តដល់អ្នកវិនិយោគមកកម្ពុជាយើង ។ ហើយចំពោះជនបរទេសដែលមកបណ្តាក់ទុននៅកម្ពុជាយើងសព្វថ្ងៃនេះភាគច្រើនមកពីទ្វីបអាស៊ីមានដូចជា ចិន ម៉ាឡេស៊ី កូរ៉េ វៀតណាម និងសាំងហ្គាពួរជាដើម ។
លោកឌឹត ចណ្ណា ប្រធានគ្រប់គ្រងក្រុមហ៊ុនអចលនទ្រព្យ វី អឹម ស៊ី ក៏បានឱ្យដឹងដែរថា ជនបរទេសដែលមកបណ្តាក់ទុនលើវិស័យអចលនទ្រព្យនៅកម្ពុជា កាលពីដើមឆ្នាំ២០១៣ មុនការបោះឆ្នោតមានកំណើនច្រើន តែនៅក្រោយការបោះឆ្នោតកំណើននេះ មានដែរ តែមិនច្បាស់លាស់ ហាក់ដូចជាមានតិចតួច តែបើយើងធ្វើការប្រៀបធៀប២០១៣ ទៅនឹងឆ្នាំ២០១២ គិតមកដល់រយៈពេលដូចគ្នានេះ មានកំណើនមិនសូវជាច្រើនប៉ុន្មានដែរ តែទោះបីជាយ៉ាងណាក៏នៅតែមានកំណើនជាងឆ្នាំ២០១២ ។ លោកថា ឱកាសទីផ្សារនៅកម្ពុជាយើងខាងផ្នែកវិស័យអចលនទ្រព្យនៅមានទំហំធំទូលាយដែលធ្វើឱ្យពួកគាត់មានចំណាប់អារម្មណ៍មកលើប្រទេសយើង ៕
ចែករំលែកព័តមាននេះ