រាជធានីភ្នំពេញ ៖ ជួបជាមួយអតីតតារាចម្រៀងពៅ បញ្ញាពេជ្រ បានរៀបរាប់ទាំងទឹកភ្នែកប្រាប់កោះសន្តិភាពនៅព្រឹកថ្ងៃទី១ មិថុនា នេះថា ជំងឺរបស់នាងកំពុងតែវិវដ្តទៅរកស្ថានភាពធ្ងន់ធ្ងរណាស់ ដែលធ្វើឱ្យនាងមានការឈឺចុកចាប់ពេញរាងកាយទាំងអស់ ហើយនាងមិនអាចទ្រាំបាននោះទេ ។ ចំណែកឯការព្យាបាលដោយការប្រើថ្នាំកាលពីមុន គឺលែងមានប្រសិទ្ធភាពទៀតហើយ ចាំបាច់ត្រូវប្តូរថ្នាំ តែថ្លៃថ្នាំក៏មានតម្លៃខ្ពស់ៗ ហើយនាងគ្មានលទ្ធភាពរកប្រាក់ព្យាបាលបន្ត ដូច្នេះនាងក៏សម្រេចចិត្តបញ្ចេញវីដេអូពីកន្លែងព្យាបាល ដើម្បីសុំជំនួយពីសប្បុរសជន និងអ្នកសិល្បៈនានា ដែលចង់ជួយដោយក្តីអនុគ្រោះ ។
គួរបញ្ជាក់ថា អតីតតារាចម្រៀង ពៅ បញ្ញាពេជ្រ ដែលកន្លងមកកោះសន្តិភាពបានប្រាប់ថា នាងកំពុងតែចាប់ផ្តើមហាត់ច្រៀងឡើងវិញ និងត្រៀមចេញមុខជាថ្មីម្តងទៀតនៅក្នុងវិស័យសិល្បៈនោះ ខណៈនេះជំងឺរបស់នាងបានធ្វើទុក្ខយ៉ាងខ្លាំង រហូតដល់ទ្រាំមិនបាន ត្រូវបានក្រុមគ្រួសារបញ្ជូនទៅព្យាបាលនៅមន្ទីរពេទ្យខេមា កាលពីម៉ោង៩យប់ថ្ងៃទី៣០ ឧសភា ២០១៣ កន្លងមក ៕
ចែករំលែកព័តមាននេះ