រាជធានីភ្នំពេញ៖ ម៉ូតូពីរគ្រឿងមួយគ្រឿងម៉ាក ស្មាស ពណ៌ខ្មៅ ពាក់ស្លាកលេខភ្នំពេញ 1AE-6774 និងមួយគ្រឿងទៀតម៉ាក សេ១២៥ ពណ៌ខ្មៅ ពាក់ស្លាកលេខព្រៃវែង 1D-0376 ត្រូវម្ចាស់ម៉ូតូបើកបុកគ្នាពេញទំហឹងនៅចំណុចផ្លូវកែងបែកជា៣ នៅតាមបណ្តោយផ្លូវ ២០០៤ កែងផ្លូវឌួងងៀប ស្ថិតក្នុងសង្កាត់ទឹកថ្លា ខណ្ឌសែនសុខ កាលពីវេលាម៉ោង ១០នឹង០០នាទីយប់ ថ្ងៃទី២៥ ឧសភា ២០១៣ បណ្តាលឲ្យម្ចាស់ម៉ូតូទាំងពីរគ្រឿងរងរបួសធ្ងន់។
ជនរងគ្រោះទាំងពីរនាក់ខាងលើនេះ នៅមិនទាន់ស្គាល់ អត្តសញ្ញាណនៅឡើយទេ ដោយសារក្រោយពេលកើតហេតុជនរងគ្រោះត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យ។ ចំណែកម៉ូតូត្រូវសមត្ថកិច្ចមូលដ្ឋាន និងនគរបាលចរចរអូសយកទៅរក្សាទុកនៅអធិការដ្ឋាននគរបាលខណ្ឌសែនសុខ ដើម្បីរង់ចាំដោះស្រាយតាមច្បាប់៕
ចែករំលែកព័តមាននេះ