ខេត្តបាត់ដំបង ៖ បុរសម្នាក់ដែលគេអះអាងថា មានជំងឺសរសៃប្រសាទផង ត្រូវបានគេប្រទះឃើញស្លាប់នៅម៉ោង៥និង៣០នាទីព្រឹកថ្ងៃទី១៤ ឧសភា ២០១៣ ដោយដៃម្ខាងមុតជាប់នឹងចំរឹងដែករបងផ្ទះអ្នកភូមិម្នាក់ ក្នុងភូមិកំពង់ពិល ឃុំវត្តតាមឹម ស្រុកសង្កែ។ គណៈកម្មការចម្រុះមួយដែលបង្កើត ដើម្បីចុះពិនិត្យសពនេះបានអះអាងថា ជនរងគ្រោះជាមនុស្សសរសៃប្រសាទ។
ខេត្តបាត់ដំបង ៖ បុរសម្នាក់ដែលគេអះអាងថា មានជំងឺសរសៃប្រសាទផង ត្រូវបានគេប្រទះឃើញស្លាប់នៅម៉ោង៥និង៣០នាទីព្រឹកថ្ងៃទី១៤ ឧសភា ២០១៣ ដោយដៃម្ខាងមុតជាប់នឹងចំរឹងដែករបងផ្ទះអ្នកភូមិម្នាក់ ក្នុងភូមិកំពង់ពិល ឃុំវត្តតាមឹម ស្រុកសង្កែ។ គណៈកម្មការចម្រុះមួយដែលបង្កើត ដើម្បីចុះពិនិត្យសពនេះបានអះអាងថា ជនរងគ្រោះជាមនុស្សសរសៃប្រសាទ។
មន្រ្តីមូលដ្ឋាននិយាយថា ជនរងគ្រោះឈ្មោះម៉ៅ រឿត អាយុ៥១ឆ្នាំ រស់នៅភូមិ-ឃុំខាងលើ។ មន្រ្តីដដែលថា បុរសនេះបានស្លាប់ ដោយដៃខាងស្ដាំ មុតជាប់នឹងចំរឹងដែករបងផ្ទះគេផ្នែកខាងក្នុងដែលជើងផុតពីដី តែគេមិនដឹងថា តើបុរសដែលអ្នកភូមិប្រាប់ថា ជាមនុស្សស្រវឹងខួបនេះឡើងផ្លោះចូលក្នុងរបងផ្ទះគេទាំងកណ្ដាលយប់ក្នុងគោលបំណងអ្វីទេ បានជាមុតដៃជាប់របងរហូតដល់ស្លាប់បែបនេះ។
អ្នកភូមិបានបំភ្លឺថា នៅយប់កើតហេតុមានការរាំកម្សាន្តក្នុងពិធីមង្គលការមួយក្បែរនោះ។ គ្រានោះគេឃើញឈ្មោះម៉ៅ រឿត បានចូលរាំលេង ដែលស្ថិតក្នុងស្ថានភាពស្រវឹងជោកជាំទៅហើយ លុះម៉ោងប្រហែល១០យប់គាត់បានដើរចេញពីវង់រាំ តែមិនដឹងទៅណាទេ។ អ្នកភូមិប្រាប់ថា ជនរងគ្រោះស្រវឹងគ្មានពេលស្វាង ហើយតែងដើរអុកឡុកគេគ្រប់ទីកន្លែង និងជាមនុស្សមានជំងឺសរសៃប្រសាទផងដែរ៕
ចែករំលែកព័តមាននេះ