រកមើលកន្លែងណា?
ដោយ ៖ឈិត គឹមឆុន
ថ្ងៃអាទិត្យ ទី៩ ខែឧសភា ឆ្នាំ២០១០ ម៉ោង ០៨:៤៥
មិត្ដសំឡាញ់ពីរនាក់ជួបគ្នា ៖
-នែ, ម៉េចមុខស្អុយប៉ែអញ្ចឹង ?
-មិនឱ្យស្អុយយ៉ាងម៉េចបើគ្នាដោះស្រាយ លក្ខខណ្ឌលោកនាយកក្រុមហ៊ុនមិនបាន ។
-ម៉េចហ្នឹង ?
-គាត់ឱ្យគ្នារកលេខាស្រីម្នាក់ឱ្យគាត់ ។
-បើអ៊ីចឹងលក្ខខណ្ឌគឺរូបស្រស់, ចេះកុំព្យូទ័រ និងមានសញាបត្រមហាវិទ្យាល័យមែន ទេ ?
-បើគ្រាន់តែប៉ុណ្ណឹងមានអីពិបាក, តែគាត់តម្រូវឱ្យរករូបស្រស់ និងលើខ្លួនគ្មានសម្លាកទើបយក។ រឿងមានសម្លាកឬអត់អ្នកណាអាចដឹងបានទៅ ។
-ស្រួលតើ ! មានកន្លែងច្រើនណាស់អាចទៅពិនិត្យដឹងបាន ។
-រកមើលកន្លែងណា ?
-ឱ្យតែកន្លែងងូតទឹកសមុទ្រសុទ្ធតែអាចពិនិត្យមើលបាន ។
