រាជធានីភ្នំពេញ ៖ ជនសង្ស័យ២នាក់ហៅម៉ូតូឌុបជិះពីម្តុំទំនប់ទួលគោកទៅគីឡូម៉ែត្រលេខ៦ រកឱកាសប្លន់មិនបានក៏ប្រាប់ម៉ូតូឌុបឱ្យដឹកត្រឡប់ទៅផ្ទះម្តាយនៅអន្លង់ក្ងានវិញ ធ្វើឱ្យអ្នករត់ម៉ូតូឌុបមានការសង្ស័យបានលួចបិទបេនសាំង ខណៈពេលដែលជនសង្ស័យខ្ចីទូរស័ព្ទរួចហើយប្រាប់ឱ្យឌុបចូលទៅក្នុងភូមិបន្តទៀត ជិះបានតែបន្តិចម៉ូតូក៏រលត់អ្នករត់ម៉ូតូឌុបប្រាប់ថា អស់សាំងហើយពេលនោះបានចុះបណ្តើរទាំងអស់គ្នាហើយម្ចាស់ម៉ូតូបានទារយកទូរស័ព្ទវិញ ស្រាប់តែត្រូវជនសង្ស័យយកឈើជ្រុងវាយក្បាលពីក្រោយរួចរត់ចូលក្នុងភូមិបាត់ ។ ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រលប់ថ្ងៃទី២ ឧសភា នៅភូមិរោងដំរី សង្កាត់ឃ្មួញ ខណ្ឌសែនសុខ ។
ជនរងគ្រោះឈ្មោះចំណាន ភេទប្រុស អាយុ២៣ឆ្នាំ មុខរបររត់ម៉ូតូឌុប ស្នាក់នៅផ្ទះជួលសង្កាត់ទឹកថ្លា ខណ្ឌសែនសុខ បានឱ្យដឹងថា មុនពេលកើតហេតុគាត់ជិះម៉ូតូគុបជ្រុង ពណ៌ទឹកប៊ិច ឌុបជនសង្ស័យ២នាក់ចេញពីម្តុំទំនប់ទួលគោកក្នុងគោលបំណងទៅគីឡូម៉ែត្រលេខ៦។ ជនរងគ្រោះបានបន្តថា ពេលទៅដល់គីឡូម៉ែត្រលេខ៦ ហើយស្រាប់តែជនសង្ស័យបានប្រាប់ឱ្យដឹកទៅផ្ទះម្តាយរបស់គេនៅអន្លង់ក្ងានវិញ ថែមទាំងប្រាប់ឱ្យជិះតាមផ្លូវលេខ៥៩៨ (ផ្លូវហ្គ្រេនភ្នំពេញ) ។ លុះពេលដឹកត្រឡប់ទៅអន្លង់ក្ងាន ជនរងគ្រោះជាអ្នករត់ម៉ូតូមានការសង្ស័យទំនងជាចង់ប្លន់យកម៉ូតូរបស់គាត់ ឬមានគំនិតមិនល្អអ្វីមួយហើយ ៕
ចែករំលែកព័តមាននេះ