ខេត្តក្រចេះ ៖ ថ្លែងទៅកាន់មន្ត្រីនគរបាលទូទាំងខេត្តនៅក្នុងកិច្ចប្រជុំបូកសរុបត្រួតពិនិត្យការងារសន្តិសុខសណ្តាប់ធ្នាប់សាធារណៈសន្តិសុខសង្គមប្រចាំខែធ្នូ ឆ្នាំ២០១២ និងទិសដៅអនុវត្តបន្ត លោកឧត្តមសេនីយ៍ត្រី ជួង ស៊ាងហាក់ ស្នងការនគរបាលខេត្តបានបញ្ជាឱ្យនាយនគរបាលចាប់តាំងពីថ្នាក់ប៉ុស្តិ៍រដ្ឋបាលឡើងទៅឱ្យលុបបំបាត់ការដើរ ឬជិះកង់កត់កន្ទុយលេខ និងការបើកលក់កន្ទុយលេខនៅតាមផ្ទះ ខណៈពេលដែលសព្វថ្ងៃនេះល្បែងកន្ទុយលេខកំពុងតែមានសន្ទុះងើបឡើងវិញ បន្ទាប់ពីស្ងប់ស្ងាត់មួយរយៈរួចមក ។
កិច្ចប្រជុំដែលប្រព្រឹត្តទៅកាលពីព្រឹកថ្ងៃទី៣ មករា ២០១៣ នេះ នៅក្នុងសាលមហោស្រពខេត្ត លោកឧត្តមសeនីយ៍ត្រី ជួង ស៊ាងហាក់ បានព្រមានយ៉ាងធ្ងន់ៗថា ប្រសិនបើល្បែងស៊ីសងកត់កន្ទុយលេខនេះនៅតែកើតមានឥតឈប់ក្នុងមូលដ្ឋាន គឺអាជ្ញាធរមូលដ្ឋានចាប់ពីថ្នាក់ប៉ុស្តិ៍រដ្ឋបាលត្រូវតែធ្វើស្វ័យរបាយការណ៍ជាក់លាក់រៀងៗខ្លួនមកស្នងការដ្ឋាន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ