រាជធានីភ្នំពេញ ៖ យុវជន៣នាក់ជិះម៉ូតូក្នុងស្ថានភាពស្រវឹងជោកជាំទៅបុកគូទរ៉ឺម៉កម៉ូតូពីក្រោយពេញទំហឹង បណ្តាលឱ្យដួលបោកទៅ នឹងថ្នល់ដេកសន្លប់រដូករណែលពេញផ្លូវ ម្ចាស់រ៉ឺម៉កឃើញបែបនេះ ក៏បើករ៉ឺម៉ករត់គេចខ្លួនបាត់ដែលគ្រោះថ្នាក់ចរាចរណ៍នេះកើតឡើង
រាជធានីភ្នំពេញ ៖ យុវជន៣នាក់ជិះម៉ូតូក្នុងស្ថានភាពស្រវឹងជោកជាំទៅបុកគូទរ៉ឺម៉កម៉ូតូពីក្រោយពេញទំហឹង បណ្តាលឱ្យដួលបោកទៅ នឹងថ្នល់ដេកសន្លប់រដូករណែលពេញផ្លូវ ម្ចាស់រ៉ឺម៉កឃើញបែបនេះ ក៏បើករ៉ឺម៉ករត់គេចខ្លួនបាត់ដែលគ្រោះថ្នាក់ចរាចរណ៍នេះកើតឡើងកាលពីវេលាម៉ោង១និង៤០នាទីរំលងអធ្រាត្រឈានចូលថ្ងៃទី១២ សីហា ២០១២ តាមបណ្តោយមហាវិថីព្រះស៊ីសុវត្ថិជិតព្រះអង្គដងកើ ក្នុងសង្កាត់ជ័យជំនះ ខណ្ឌដូនពេញ ។
ក្នុងហេតុការណ៍គ្រោះថ្នាក់ចរាចរណ៍នោះមានជនជាតិបរទេសម្នាក់អត់ពាក់អាវធ្វើដំណើរឆ្លងកាត់ទីនោះ លុះពេលឃើញយុវជនទាំង៣នាក់ដេកសន្លប់ស្តូកស្តឹងបែបនេះ បានចូលទៅជួយសង្គ្រោះដោយធ្វើចលនាបេះដូងដល់ជនរងគ្រោះទាំង៣នាក់ ស្របពេលនោះយុវជនម្នាក់ដែលដួលបែកក្បាលបន្តិចដឹងខ្លួនមុនគេ ។ ចំណែក២នាក់ទៀតម្នាក់បាក់ជើងស្តាំ និងម្នាក់ទៀតបាក់ឆ្អឹងជំនីរខាងស្តាំមិនទាន់ដឹងខ្លួនទេ ត្រូវបានអ្នកឃើញហេតុការណ៍ទូរស័ព្ទហៅរថយន្តសង្គ្រោះដឹកយកទៅព្យាបាលនៅមន្ទីរពេទ្យកាល់ម៉ែត ។ ដោយឡែកជនរងគ្រោះដែលដឹងខ្លួននោះមិនព្រមឡើងជិះរថយន្តទៅមន្ទីរពេទ្យធ្វើការព្យាបាលទេ ស្រវឹងធ្លាក់ភ្នែកនិយាយលែងដឹងខុសត្រូវ ។ រីឯម៉ូតូបែកក្បាំង និងខូចខាតផ្នែកខាងមុខត្រូវបានសមត្ថកិច្ចយកទៅរក្សាទុកនៅប៉ុស្តិ៍រដ្ឋបាលជ័យជំនះ រង់ចាំជនរងគ្រោះទៅទទួលត្រឡប់យកមកវិញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ