រាជធានីភ្នំពេញ ៖ មានករណីទំនាស់គ្នាផ្ទុះអាវុធមួយបានកើតឡើងដែលបង្កដោយជនល្មើស២នាក់ ប្រដាប់ដោយអាវុធខ្លី និងកាំបិតបុ័ងតោ បា.ញ់ជនរងគ្រោះជាមិត្តភក្តិម្នាក់ចំក្លៀកខាងឆ្វេង១គ្រាប់ បណ្តាលឱ្យរងរបួសត្រូវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត
រាជធានីភ្នំពេញ ៖ មានករណីទំនាស់គ្នាផ្ទុះអាវុធមួយបានកើតឡើងដែលបង្កដោយជនល្មើស២នាក់ ប្រដាប់ដោយអាវុធខ្លី និងកាំបិតបុ័ងតោ បាញ់ជនរងគ្រោះជាមិត្តភក្តិម្នាក់ចំក្លៀកខាងឆ្វេង១គ្រាប់ បណ្តាលឱ្យរងរបួសត្រូវបានបញ្ជូនទៅសង្គ្រោះនៅមន្ទីរពេទ្យកាល់ម៉ែត ដោយសារតែរឿងឈ្លោះដណ្តើមស្រីគ្នា កាលពីវេលាម៉ោង១២និង៥០នាទីរំលងអធ្រាត្រឈានចូលថ្ងៃទី២៩ កក្កដា ២០១២ នៅចំណុចបន្ទប់លេខ៥១៦ សណ្ឋាគារសម្បត្តិផល តាមបណ្តោយផ្លូវលេខ១៥០ សង្កាត់ទឹកល្អក់ទី២ ខណ្ឌទួលគោក។
ជនរងគ្រោះមានឈ្មោះផុន វុទ្ធា ហៅជ្រូក ភេទប្រុស អាយុ២៩ឆ្នាំ មានទីលំនៅផ្ទះលេខ១២២ED ផ្លូវលេខ១០៧ សង្កាត់អូរឫស្សី៤ ខណ្ឌ៧មករា ត្រូវជនល្មើសដែលជាមិត្តភក្តិបាញ់១គ្រាប់ចំក្លៀកខាងឆ្វេងរងរបួស ។ ចំណែកជនដៃដល់ ១-ឈ្មោះសាន សុផល ជាមន្ត្រីកងរាជអាវុធហត្ថ និង២-ឈ្មោះរិន ជានគរបាល បន្ទាប់ពីកើតហេតុរត់គេចខ្លួនបាត់ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ