រាជធានីភ្នំពេញ ៖ រថយន្តម៉ាកកាមរីគូទហើម១គ្រឿងបើកបរក្នុងល្បឿនលឿនជ្រុលទៅកៀរអ្នកជិះម៉ូតូមួយគ្រឿង បណ្តាលឱ្យដួល ខណៈនោះអ្នករត់ម៉ូតូឌុបជាច្រើនបាននាំគ្នាជិះម៉ូតូដេញតាមធ្វើឱ្យអ្នកបើករថយន្តភ័យស្លន់ស្លោព្យាយាមបើករត់គេចខ្លួន ដល់ត្រង់
រាជធានីភ្នំពេញ ៖ រថយន្តម៉ាកកាមរីគូទហើម១គ្រឿងបើកបរក្នុងល្បឿនលឿនជ្រុលទៅកៀរអ្នកជិះម៉ូតូមួយគ្រឿង បណ្តាលឱ្យដួល ខណៈនោះអ្នករត់ម៉ូតូឌុបជាច្រើនបាននាំគ្នាជិះម៉ូតូដេញតាមធ្វើឱ្យអ្នកបើករថយន្តភ័យស្លន់ស្លោព្យាយាមបើករត់គេចខ្លួន ដល់ត្រង់ចំណុចផ្លូវបត់បួងចង្កូតខ្លាំងពេកក្រឡាប់បះជើងបោករថយន្តផ្ទប់នឹងរបងផ្ទះប្រជាពលរដ្ឋខ្ទាតមនុស្សចេញក្រៅស្លាប់១ និងរបួសធ្ងន់១ កាលពីវេលាម៉ោង១២និង១០នាទីរំលងអធ្រាត្រឈានចូលថ្ងៃទី២៤ កក្កដា ២០១២ នៅលើកំណាត់ផ្លូវលេខ២០១១ ស្ថិតក្នុងភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ ។
រថយន្តបង្កម៉ាកកាមរីគូទហើមពណ៌ទឹកប្រាក់ ជិះគ្នាពីរនាក់ជាបុរសជនជាតិចិន មិនត្រូវបានគេស្គាល់អត្តសញ្ញាណនោះទេ ហើយអ្នករបួសត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗដែរ ។ ដោយឡែកម៉ូតូដែលត្រូវរថយន្តនោះបើកកៀរឱ្យដួលម៉ាកឌ្រីមសេ១២៥ ស៊េរីឆ្នាំ២០០៧ ពណ៌ខ្មៅ បើកបរដោយបុរសឈ្មោះយ៉ា ចាន់ អាយុ៤៨ឆ្នាំ ជាអ្នករត់ម៉ូតូឌុបរងរបួសស្រាល ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ