សេ125ធ្លាក់ភ្នែកបុកម៉ូតូគុបបើកឆ្លងផ្លូវរបួសសងខាង
បញ្ចូលអត្ថបទ ៖ ស្រីណា កោះ
ថ្ងៃអង្គារ ទី២៤ ខែកក្កដា ឆ្នាំ២០១២ ម៉ោង ១៣:៤៥
កោះសន្តិភាព
ទិដ្ឋភាពកន្លែងកើតហេតុ
រាជធានីភ្នំពេញ ៖ ម៉ូតូសេ១២៥ ដែលអ្នកជិះស្រវឹងធ្លាក់ភ្នែកបានទៅបុកម៉ូតូគុបជ្រុង៥០ ជិះដោយស្ត្រីម្នាក់ឆ្លងផ្លូវជិតផុតទៅហើយ បណ្តាលឱ្យដួលរងរបួសទាំងសងខាង កាលពីវេលាម៉ោង១០និង២២នាទីយប់ថ្ងៃទី២២ កក្កដា ចំណុចផ្លូវលេខ២៦១កែងផ្លូវលេខ២១៨ ស្ថិតក្នុងភូមិ៧ សង្កាត់ទឹកល្អក់ទី៣ ខណ្ឌទួលគោក ។
អ្នកឃើញហេតុការណ៍បានឱ្យដឹងថា ម៉ូតូសេ១២៥ ស៊េរី២០០៨ ពណ៌ខ្មៅ ជិះគ្នា២នាក់ ជាយុវជនស្ថិតក្នុងស្ថានភាពស្រវឹងបើកបរតាមផ្លូវលេខ២៦១ ពីជើងទៅត្បូង ចំណែកម៉ូតូគុបជ្រុង៥០ ពណ៌ទឹកប្រាក់ បើកបរដោយស្ត្រីម្នាក់ជិះឆ្លងផ្លូវលេខ២១៨ពីលិចទៅកើត ខណៈម៉ូតូគុបជ្រុងឆ្លងផ្លូវជិតផុតហើយស្រាប់តែសេ១២៥ស្រវឹងធ្លាក់ភ្នែកជិះទៅបុកចំគម្របច្រវាក់ម៉ូតូគុបជ្រុង បណ្តាលឱ្យដួលរងរបួសទាំងអស់គ្នា តែអ្នកជិះពីក្រោយមិនមានរងរបួសទេ ។
ដោយសារតែភាគីម៉ូតូសេ១២៥ ស្រវឹងជោគជាំនិយាយលែងដឹងខុសត្រូវទៅហើយ សមត្ថកិច្ចក៏ជួយសម្របសម្រួលឱ្យភាគីទាំងសងខាងត្រូវគ្នានៅកន្លែងកើតហេតុតែម្តងទៅ ៕
