ពិតមែនសម្ដេចឈឺតែការងារនៅខុទ្ទកាល័យមមាញឹកធម្មតា
ដោយ ៖ ប្រុសកោះ
ថ្ងៃចន្ទ ទី១៩ ខែកក្កដា ឆ្នាំ២០១០ ម៉ោង ១៤:០៩
ខេត្ដស្វាយរៀង ៖ សម្ដេចតេជោនាយករដ្ឋមន្ដ្រីហ៊ុនសែន បានមានប្រតិកម្មឆ្លើយតបទៅនឹងក្រុមគណបក្សប្រឆាំងដែលរិះគន់សម្ដេចថា ពេលធ្លាក់ខ្លួនឈឺ A/H1N1 មិនព្រមប្រកាសប្រាប់ប្រជាពលរដ្ឋឱ្យដឹងទូលំទូលាយផងពីស្ថានភាព និងកិច្ចការងារមួយចំនួនរបស់សម្ដេច...ដោយសម្ដេចលើកឡើងថា ក្រុមគណបក្សប្រឆាំងដូចជាល្ងង់ពេក ហើយមិនឃើញរដ្ឋាភិបាល (នាយករដ្ឋមន្ដ្រី) ចេញបទបញ្ជាការពារព្រៃលិចទឹករំលាយទំនប់អាងទឹកដែលគ្មានសារសំខាន់នោះទេឬ?
សម្ដេចតេជោនាយករដ្ឋមន្ដ្រីបានមានប្រតិកម្មបែបនេះកាលពីព្រឹកថ្ងៃទី១៩ កក្កដា ឆ្នាំ២០១០ ក្នុងឱកាសអញ្ជើញជាអធិបតីចែកសញាបត្រថ្នាក់បរិញាបត្រ បរិញាបត្ររង ដល់និស្សិតនៃសាកលវិទ្យាល័យស្វាយរៀង និងសម្ពោធអគារសិក្សាក្រុងស្វាយរៀង ។ សម្ដេចបានមានប្រសាសន៍ថា ក្រុមគណបក្សប្រឆាំងហាក់ដូចជាល្ងង់ពេកហើយ សម្ដេចឈឺមែន ប៉ុន្ដែកិច្ចការរដ្ឋាភិបាលនៅតែដំណើរការរហូត ដូចជាការចេញបទបញ្ជាការពារព្រៃលិចទឹក, រំលាយទំនប់អាងទឹក ដែលគ្មានសារសំខាន់ ហើយក្រុមការងារនៅខុទ្ទកាល័យរបស់សម្ដេចគឺមមាញឹកជាប់រហូត... ឯកសារផ្សេងៗមិនឱ្យនៅហួសពី១២ម៉ោងទេ...គ្រាន់តែថា ពេលសម្ដេចឈឺ សម្ដេចត្រូវការសំរាកមិនមានពេលជួបភ្ញៀវតែប៉ុណ្ណោះ ។ ឥឡូវនេះសុខភាពរបស់សម្ដេចមានភាពល្អប្រសើរឡើងវិញហើយ និងកំពុងដំណើរការការងារធម្មតា ។ ព័ត៌មានលំអិតនឹងផ្សាយជូននៅពេលក្រោយ និងនៅលើទំព័រកាសែតកោះសន្ដិភាព ៕
