រាជធានីភ្នំពេញ ៖ យោងតាមសេចក្តីប្រកាសព័ត៌មានរបស់ស្ថានទូតអូស្ត្រាលីប្រចាំនៅកម្ពុជា ចេញផ្សាយកាលពី ថ្ងៃទី២១ ឧសភា ២០១២ ឱ្យដឹងថា លោកស្រី ផេននី រីឆាស៍ (Penny Richards) និងលោកជេត ណារ៉ែន អគ្គនាយកនៃអគ្គនាយកដ្ឋានអាស៊ាន ក្រសួងការពារជាតិ និងសហប្រតិបត្តិការអន្តរជាតិបានប្រគល់លិខិតបញ្ជាក់ការសិក្សាដល់មន្ត្រីរាជការកម្ពុជាចំនួន៣៣នាក់នៃក្រសួងការបរទេស និងសហការអន្តរជាតិ ដើម្បីអបអរការបញ្ចប់វគ្គបណ្តុះបណ្តាល ACE ។
វគ្គបណ្តុះបណ្តាលនេះត្រូវបានរៀបចំឡើងដោយស្ថានទូតអូស្ត្រាលីមានការឧបត្ថម្ភរបស់រដ្ឋាភិបាលអូស្ត្រាលីតាមរយៈទីភ្នាក់ងារជំនួយអភិវឌ្ឍន៍អន្តរជាតិអូស្ត្រាលី (Aus AID) ដើម្បីលើកកម្ពស់សមត្ថភាពភាសាអង់គ្លេសជូនមន្ត្រីដែលពាក់ព័ន្ធនឹងកិច្ចប្រជុំនានារបស់អាស៊ាន ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ