ខេត្តកំពង់ធំ ៖ ក្រុមហ៊ុន ខេមជីបូ អេឡិចទ្រីក ផៅវ័រខូ អ៊ែលធីឌី មានទីតាំងផ្លូវលេខ១០២ ភូមិកំពង់ក្របៅ សង្កាត់កំពង់ក្របៅ ក្រុងស្ទឹងសែន ដែលផ្គត់ផ្គង់ចរន្តអគ្គិសនីលក់ឱ្យប្រជាពលរដ្ឋ និងមន្ត្រីរាជការក្នុងខេត្ត ជាពិសេសក្នុងក្រុងស្ទឹងសែន មានប្រជាពលរដ្ឋ៩០ភាគរយដែលប្រើប្រាស់អគ្គិសនី ពួកគាត់មានការរអ៊ូរទាំយ៉ាងខ្លាំងចំពោះភ្លើងអគ្គិសនីក្នុងខេត្តកំពងធំ ដោយសារតែការរអាក់រអួលរយៈពេលជិត៣ខែមកហើយ ។
ប្រជាពលរដ្ឋទាំងអស់បានត្អូញត្អែរថា ពួកគាត់ដេកមិនលក់ បក់មិនល្ហើយព្រោះតែការដាច់ចរន្តអគ្គិសនី ចំណែកពួកអាជីវករខ្នាតតូចដូចជា ជាងអ៊ុតសក់ បញ្ចូលភ្លេងទូរស័ព្ទ ត្រូវអាក់ខានប្រកបអាជីវកម្ម ព្រោះតែភ្លើងដាច់មានរយៈពេលយូរជួនពេលខ្លះដាច់១ថ្ងៃពេញ ពេលខ្លះដាច់១យប់ ពេលខ្លះទៀតដាច់ស្ទើតែ១ថ្ងៃ១ យប់។ ទាក់ទងបញ្ហាដាច់ចរន្តអគ្គិសនីនេះ ប្រជាពលរដ្ឋក៏បានដាក់សំណើគ្រោងធ្វើបាតុកម្មនៅមុខការិយាល័យអ្នកតំណាងរាស្ត្រខេត្តកំពង់ធំនៅថ្ងៃទី១៦ ឧសភា ២០១២នេះ ៕
ចែករំលែកព័តមាននេះ