រាជធានីភ្នំពេញ ៖ មន្ដ្រីប៉ូលិសបានឱ្យដឹងថា បុរស២នាក់បានស្លាប់នៅនឹងកន្លែងផ្សេងគ្នា ដោយសាររថយន្ដកិននៅក្នុងទឹកដីខណ្ឌសែនសុខតែមួយ ហើយរយៈពេល១៣ម៉ោង ប៉ុណ្ណោះគឺគិតចាប់ពីម៉ោង៦និង៤០នាទីល្ងាចថ្ងៃទី៥ ឧសភា រហូតដល់ម៉ោង៧និង៣០នាទីព្រឹកថ្ងៃទី៦ ឧសភា ២០១២។
លោកផាប់ សារ៉េត ប្រធានផ្នែកសណ្ដាប់ធ្នាប់ចរាចរណ៍ខណ្ឌសែនសុខបានឱ្យដឹងថា បុរសឈ្មោះចេង សុភ័ក្រ អាយុ៣១ឆ្នាំ ធ្វើការនៅក្រុមហ៊ុនផលិតស្ករគ្រាប់មួយ មានទីលំនៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ត្រូវបានរថយន្ដកូរ៉េប្រភេទហ៊ីយ៉ាន់ដាយ ទម្ងន់១តោនកន្លះ កិនបែកក្បាលស្លាប់ទាំងពាក់មួកសុវត្ថិភាព ខណៈដែលជនរងគ្រោះជិះម៉ូតូស្មាសវី ពណ៌ខ្មៅ ស៊េរី២០១១ តាមបណ្ដោយផ្លូវលេខ៥៩៨ ពីជើងទៅត្បូងឆ្ពោះទៅផ្លូវ២៧១ ហើយឆ្លងក្រោមស្ពានអាកាស៧មករា ក៏ប៉ះដៃចង្កូតជាមួយរថយន្ដហ៊ីយ៉ាន់ដាយ ធ្វើដំណើរស្របទិសគ្នាបណ្ដាលឱ្យអ្នកបើកបរម៉ូតូដួលបោលក្បាលចូលទៅក្រោមកង់រថយន្ដផ្នែកខាងក្រោយកិនបែកក្បាលស្លាប់នៅនឹងកន្លែងតែម្តង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ