រាជធានីភ្នំពេញ ៖ បុរសម្នាក់ស្រវឹងស្រាជោក និយាយលែងដឹងខុសត្រូវបើកម៉ូតូវីវ៉ា ពណ៌ក្រហម ដួលតែម្នាក់ឯងបែកមុខបែកមាត់ ហើយពេលអ្នកកាសែតទៅថត បែរជាសុំទៅផ្ទះជាមួយផងទៅវិញ។ ករណីនេះបានកើតឡើងកាលពីវេលាម៉ោង១១និង១៥នាទីយប់ថ្ងៃទី៥ ឧសភា ២០១២ ក្នុងសង្កាត់ទឹកល្អក់៣ ខណ្ឌទួលគោក ។
បុរសរងគ្រោះមិនប្រាប់អត្ដសញ្ញាណរបស់ខ្លួននោះទេ គិតតែនិយាយម្នាក់ឯងរបៀបរវើរវាយលែងដឹងខុសត្រូវទៅហើយ។ ប៉ុន្ដែប្រភពព័ត៌មាននៅកន្លែងកើតហេតុបានឱ្យដឹងថាមុនពេលកើតហេតុបុរសរងគ្រោះបានជិះម៉ូតូវីវ៉ាពណ៌ក្រហម តាមបណ្ដោយផ្លូវទេពផនពីលិចទៅកើត ។ លុះមកដល់ចំណុចកើតហេតុ ស្រាប់តែដួលត្រឡប់ត្រឡិនតែម្នាក់ឯង បណ្ដាលឱ្យបែកមុខមាត់ហូរឈាមកក្លាក់៕
ចែករំលែកព័តមាននេះ