រាជធានីភ្នំពេញ ៖ រថយន្តមែរសឺដេសស្រវឹងបួងចង្កូតមិនទាន់ជ្រុលទៅបុករនាំងដែកចែកផ្លូវខូចខាតអស់៦ផ្ទាំង និងទូលជាប់ទៅជាមួយរថយន្តមួយផ្ទាំងទៀតបើករត់គេច កាលពីវេលាម៉ោង១២និង៤០នាទីរំលងអធ្រាត្រឈានចូលថ្ងៃទី៥ ឧសភា នៅទល់មុខអគារកម្ពស់៤២ជាន់កំពុងសាងសង់ចំណុចមហាវិថីព្រះមុនីវង្សកែងមហាវិថីព្រះសីហនុ ក្នុងសង្កាត់បឹងកេងកងទី១ ខណ្ឌចំការមន ។
ក្រោយពេលកើតហេតុរថយន្តបង្កត្រូវបានសមត្ថកិច្ចស្ទូចយកទៅរក្សាទុកនៅសាលារាជធានីភ្នំពេញ រួមជាមួយរនាំងដែកមួយផ្ទាងផងដែរ ដើម្បីធ្វើការដោះស្រាយសងការខូចខាតសម្បត្តិសាធារណៈ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ