រាជធានីភ្នំពេញ ៖ រថយន្តស៊ុយហ៊្សុយគី ពណ៌ខ្មៅ ១គ្រឿងបើករេចង្កូតហៀរចូលខាងស្តាំរបស់គេទៅបុកស៊ីក្លូ បណ្តាលឱ្យរបួសធ្ងន់លោកយាយចំណាស់ម្នាក់ដែលជិះលើស៊ីក្លូ និងអ្នកធាក់ស៊ីក្លូក៏ត្រូវរយះជើងខាងស្តាំដែរ ។ ហេតុការណ៍នេះកើតឡើងកាលពីវេលាម៉ោង១០និង៥០នាទីយប់ថ្ងៃទី៥ ឧសភា តាមផ្លូវលេខ៤៧ ក្នុងសង្កាត់ស្រះចក ខណ្ឌដូនពេញ ។
លោកយាយរងគ្រោះឈ្មោះស៊ួរ ទ្រព្យ អាយុ៩១ឆ្នាំ ស្នាក់នៅផ្ទះលេខ៥ ផ្លូវលេខ៧៥ សង្កាត់ស្រះចក ខណ្ឌដូនពេញ ត្រូវបានគេបញ្ជូនទៅព្យាបាលនៅមន្ទីរពេទ្យ១៧៩ ។ ក្រោយកើតហេតុរថយន្តបង្កហេតុ និងស៊ីក្លូត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរជើងគោក ដើម្បីធ្វើការដោះស្រាយតាមនីតិវិធីច្បាប់។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ