ខេត្តឧត្តរមានជ័យ ៖ តាមមន្ត្រីផ្លូវការបានរៀបរាប់ប្រាប់កោះសន្តិភាពថា ក្រុមហ៊ុនដែលបានអភិវឌ្ឍន៍ទៅលើផ្ទៃដីសម្បទានសេដ្ឋកិច្ចផ្នែកកសិឧស្សាហកម្មសរុបមានចំនួន១៥ ក្នុងនោះ១៣ក្រុមហ៊ុនកំពុងឈូសឆាយដីព្រៃ ដើម្បីដំណើរការ តែមិនមានដំណើរការចំនួន២ក្រុមហ៊ុន ។ ដូច្នេះ២ក្រុមហ៊ុននេះត្រូវដកហូតដីវិញទុកជាសម្បត្តិរដ្ឋ ។
ខេត្តឧត្តរមានជ័យ ៖ តាមមន្ត្រីផ្លូវការបានរៀបរាប់ប្រាប់កោះសន្តិភាពថា ក្រុមហ៊ុនដែលបានអភិវឌ្ឍន៍ទៅលើផ្ទៃដីសម្បទានសេដ្ឋកិច្ចផ្នែកកសិឧស្សាហកម្មសរុបមានចំនួន១៥ ក្នុងនោះ១៣ក្រុមហ៊ុនកំពុងឈូសឆាយដីព្រៃ ដើម្បីដំណើរការ តែមិនមានដំណើរការចំនួន២ក្រុមហ៊ុន ។ ដូច្នេះ២ក្រុមហ៊ុននេះត្រូវដកហូតដីវិញទុកជាសម្បត្តិរដ្ឋ ។
ប្រជាពលរដ្ឋនៅក្នុងខេត្តឧត្តរមានជ័យជាច្រើននាក់ត្អូញត្អែរថា មុននេះនៅក្នុងខេត្តមានការរំពឹងថា បើមានក្រុមហ៊ុនចូលមកធ្វើការអភិវឌ្ឍបានច្រើននោះ គឺពិតជាមានការងារច្រើនសម្រាប់ប្រជាពលរដ្ឋធ្វើនៅតាមក្រុមហ៊ុនដោយមិនខ្វល់ពីការចេញទៅរកការងារនៅខាងក្រៅប្រទេស ។ ប៉ុន្តែផ្ទុយទៅវិញសព្វថ្ងៃនេះគឺពួកគាត់សង្កេតឃើញថាមានក្រុមហ៊ុនច្រើនណាស់កំពុងតែចូលមកធ្វើការអភិវឌ្ឍវិនិយោគគ្រប់ទិសទីស្ទើរតែរកផ្ទៃដីទំនេរគ្មាន ចំណែកប្រជាពលរដ្ឋនៅក្នុងខេត្តបែរជាមិនមានការងារធ្វើទៅវិញ ។ ក្រុមហ៊ុនទាំងអស់នេះមានក្រុមហ៊ុនខ្លះគិតតែពីកាប់ឈើដឹកជញ្ជូនយកទៅលក់ដូចឈ្មួញ ដើម្បីយកដើមទុន ។ រីឯដំណាំកសិឧស្សាហកម្មពុំកើតមានទាល់តែសោះ។ ក្រុមហ៊ុនខ្លះទៀតគិតតែវាទយកដីរបស់ប្រជាពលរដ្ឋ និងកាប់យកឈើដោយផ្អែកទៅលើការមានច្បាប់ពីអាជ្ញាធរខេត្ត ។ ក្រុមហ៊ុនខ្លះទៀតបានអះអាងថាមានច្បាប់ធ្វើការអភិវឌ្ឍវិយោគផ្នែកកសិឧស្សាហកម្មចេញពីក្រសួងកសិកម្ម ឬស.ជ.ណ ។
លោកគាំ វុឌ្ឍីធន ទទួលផ្នែករដ្ឋបាលមន្ទីរកសិកម្មខេត្តឧត្តរមានជ័យឱ្យកោះសន្តិភាពដឹងថា មន្ទីរកសិកម្មខេត្តបានទទួលបទបញ្ជាពីក្រសួងកសិកម្ម រុក្ខាប្រមាញ់ និងនេសាទឱ្យបង្កើតក្រុមការងារមួយសិក្សាទៅលើក្រុមហ៊ុនដែលមានច្បាប់ធ្វើការអភិវឌ្ឍវិនិយោគទៅលើផ្នែកកសិឧស្សាហកម្មទាំងអស់នៅក្នុងខេត្តឃើញថាមានក្រុមហ៊ុនខ្លះកំពុងតែដំណើរការរបស់ខ្លួនបានត្រឹមតែ២០ទៅ៣០ភាគរយប៉ុណ្ណោះ ។ ក្នុងចំណោមក្រុមហ៊ុនទាំងអស់មានតែក្រុមហ៊ុនសំរោងរ៉ាប់បឺ ទេកំពុងធ្វើការអភិវឌ្ឍលើផ្ទៃដី៩.៦៥៨ហិកតា ហើយដាំដំណាំកៅស៊ូបានចំនួន២.៨៦០ហិកតា ហើយនឹងទទួលផលនាពេលដ៏ខ្លីខាងមុខ ។ លោកបញ្ជាក់ថា ក្រុមហ៊ុនបានបណ្តុះកូនកៅស៊ូរាប់ម៉ឺនដើម និងឈូសឆាយផ្ទៃដីបានរាប់ពាន់ហិកតា និងបានដាំជាបន្តបន្ទាប់ ។
លោកខាំ វិសាល នាយកទីចាត់ការអន្តរវិស័យរដ្ឋបាលសាលាខេត្តឧត្តរមានជ័យឱ្យកោះសន្តិភាពដឹងថា ក្រុមហ៊ុនដែលចូលធ្វើការអភិវឌ្ឍទៅលើផ្នែកកសិឧស្សាហកម្មដោយស្របច្បាប់មានចំនួន១៥គឺទី១ក្រុមហ៊ុនទន្លេស៊ូហ្គើរខេន មានផ្ទៃដីចំនួន៦.៦១៨ហិកតា ដាំដំណាំអំពៅស្ថិតនៅក្នុងស្រុកចុងកាល់ ។ ទី២ក្រុមហ៊ុនអង្គរស៊ូហ្គើរមានផ្ទៃដីចំនួន៦.៥២៣ហិកតា ដាំអំពៅនៅក្រុងសំរោង ។ ទី៣ក្រុមហ៊ុនខេមបូឌាខេនអេនស៊ូហ្គើរវែនលី មានផ្ទៃដីចំនួន៦.៥៩៥ហិកតាដាំដំណាំអំពៅស្ថិតនៅក្នុងក្រុងសំរោង។ ទី៤ក្រុមហ៊ុនសំរោងរ៉ាប់បឺ មានផ្ទៃដីចំនួន៩.៦៥៨ហិកតា ដាំដំណាំកៅស៊ូស្ថិតនៅក្នុងស្រុកអន្លង់វែង និងស្រុកវ៉ារិន ខេត្តសៀមរាប(ទាំង៤ក្រុមហ៊ុននេះចេញច្បាប់ដោយអាជ្ញាធរខេត្តឧត្តរមានជ័យ) ។ ទី៥ក្រុមហ៊ុនអភិវឌ្ឍអូរស្វាយមានផ្ទៃដីចំនួន១.៥០០ហិកតា កំពុងបំពេញបែបបទច្បាប់វិនិយោគនៅក្រសួងកសិកម្ម ។ ទី៦ក្រុមហ៊ុនមៀងលីហេងធ្វើវិនិយោគល្ហុងខ្វង មានផ្ទៃដីចំនួន១.០០០ហិកតា ទទួលបានអាជ្ញាប័ណ្ណឆ្នាំ២០០៧ដាំដំណាំបានចំនួន១៩៤,១៧ហិកតា កំពុងដំណើរការបន្តស្ថិតនៅក្នុងក្រុងសំរោង ។
ក្រុមហ៊ុនទី៧គឺក្រុមហ៊ុនតៃនិញ-សៀមរាប មានផ្ទៃដីចំនួន៧.៦០០ហិកតា ជាតំបន់ដែនជំរកសត្វព្រៃគូលែនព្រហ្មទេពទទួលបានអាជ្ញាប័ណ្ណឆ្នាំ២០១១ ។ ទី៨ក្រុមហ៊ុនបេសរ៉ូយ៉ាល់មានផ្ទៃដីចំនួន៦.៥០០ហិកតា ក្នុងតំបន់ដែនជំរកសត្វព្រៃគូលែនព្រហ្មទេព ស្ថិតនៅក្នុងស្រុកត្រពាំងប្រាសាទ ។ ទី៩ក្រុមហ៊ុនជាតិអភិវឌ្ឍន៍ខូអិលធីឌី មានផ្ទៃដីចំនួន៦.០០០ហិកតា ស្ថិតនៅក្នុងស្រុកបន្ទាយអំពិល ទទួលបានអាជ្ញាប័ណ្ណឆ្នាំ២០០៩ ។ ទី១០ក្រុមហ៊ុនហ៊ួតមេងរីតា មានផ្ទៃដីចំនួន៣.០០០ហិកតា ក្នុងតំបន់ដែនជំរកសត្វព្រៃ គូលែនព្រហ្មទេពទទួលអាជ្ញាប័ណ្ណឆ្នាំ២០១១ ស្ថិតនៅក្នុងស្រុកអន្លង់វែង ។ ទី១១ក្រុមហ៊ុនដាតារ៉ាប់បឺខេមបូឌា មានផ្ទៃដីចំនួន៧.៧០០ហិកតា នៅក្នុងតំបន់ដែនជំរកសត្វព្រៃគូលែនព្រហ្មទេព ស្ថិតនៅក្នុងស្រុកអន្លង់វែង ទទួលបានអាជ្ញាប័ណ្ណឆ្នាំ២០១១ ។ ទី១២ក្រុមហ៊ុនទុមរីងរ៉ាប់បឺ មានផ្ទៃដីចំនួន៧.៧៥០ហិកតា នៅក្នុងតំបន់ដែនជំរកសត្វព្រៃគូលែនព្រហ្មទេព ក្នុងស្រុកអន្លង់វែង ទទួលបានអាជ្ញាប័ណ្ណឆ្នាំ២០១១។ ទី១៣ក្រុមហ៊ុន Natural Plantationមានផ្ទៃដីចំនួន៩.០២០ហិកតា នៅក្នុងតំបន់ដែនជំរកសត្វព្រៃគូលែនព្រហ្មទេព នៅក្នុងស្រុកត្រពាំងប្រាសាទទទួលបានអាជ្ញាប័ណ្ណឆ្នាំ២០១១ ។ ដោយឡែក២ក្រុមហ៊ុនទៀតដែលមិនដំណើរការត្រូវអាជ្ញាធរលុបចោលដកហូតដីទុកជាសម្បត្តិរដ្ឋវិញគឺក្រុមហ៊ុនគ្រីស្តល និងក្រុមហ៊ុនរៀលគ្រីន៕
ចែករំលែកព័តមាននេះ