រាជធានីភ្នំពេញ ៖ កម្មវិធីចាប់រង្វាន់ធំរបស់ក្រុមហ៊ុន Nokia នេះបានផ្ដើមពីខែធ្នូ ឆ្នាំ ២០១១ ដើម្បីអបអរសាទរដល់រដូវកាលបុណ្យណូអែល បុណ្យចូលឆ្នាំចិន និងបុណ្យថ្ងៃនៃក្ដីស្រឡាញ់ ដោយអតិថិជនអាចទទួលបានប័ណ្ណ ផ្សងសំណាងមួយសន្លឹក រាល់ពេលជាវទូរស័ព្ទ Nokia ម៉ូឌែលណាមួយ។ រង្វាន់ក្នុងកម្មវិធីរួមមាន ទូរស័ព្ទ Nokia N9 ចំនួន២០រង្វាន់ និងឧបករណ៍បំពងសំឡេង360-degree ចំនួន៥០រង្វាន់។
កាលពីថៃ្ងអាទិត្យទី២៩ មករា ឆ្នាំ២០១២ ក្រុមហ៊ុនទូរស័ព្ទដៃ Nokia បានធ្វើការចាប់រង្វាន់ ធំរបស់ខ្លួនលើកទី១ ក្នុងចំណោមការចាប់រង្វាន់សរុបទាំងអស់៣លើកនៅស្ថានីយទូរទស្សន៍ CTN។
លោក Jerry នាយកគ្រប់គ្រង Nokia បានថ្លែងថា «កម្មវិធី Happy Festive Season ដ៏សប្បាយរីករាយរបស់យើង គឺការសម្ដែងនូវក្ដីដឹងគុណចំពោះការគាំទ្ររបស់អតិថិជន»។ លោក Jerry បានបន្ថែមថា «មានរដូវកាលពិធីបុណ្យដ៏រីករាយជាច្រើនក្នុងប្រទេសកម្ពុជា ដែលជាឱកាសផ្ដល់រង្វាន់ដ៏ពិសេសសម្រាប់អតិថិជនជាវទូរស័ព្ទ Nokia ។ យើងបានបញ្ចប់ការចាប់រង្វាន់លើកទីមួយដោយជោគជ័យ ប៉ុន្ដែនៅមានការចាប់រង្វាន់ចំនួនពីរលើកទៀត ដែលជាឱកាសសម្រាប់អតិថិជនជាវទូរស័ព្ទ Nokia ដើម្បីឈ្នះរង្វាន់ដ៏អស្ចារ្យជាច្រើន»។
នៅមានរង្វាន់ម៉ូតូចំនួន៧រង្វាន់ ក៏ដូចជារង្វាន់ទូរស័ព្ទ Nokia N9 ចំនួន១៥រង្វាន់ និង ឧបករណ៍បំពងសំឡេង 360-degree ចំនួន៣៥រង្វាន់។ ការចាប់រង្វាន់នឹងប្រព្រឹត្ដទៅនៅថ្ងៃទី ២៦ កុម្ភៈ និងថ្ងៃទី២៥ មីនា៕
ចែករំលែកព័តមាននេះ