ខេត្តស្វាយរៀង ៖ កាស៊ីណូថ្មីសន្លាងមួយទៀតនៅក្រុងបាវិតត្រូវបានបើកសម្ពោធ ទទួលភ្ញៀវចូលលេងយ៉ាងគគ្រឹកគគ្រេងនៅព្រឹកថ្ងៃទី៩ កញ្ញា ។ វត្តមានកាស៊ីណូថ្មីនេះទៀតបានបន្ថែមចំនួនកាស៊ីណូនៅក្រុងបាវិត ឡើងដល់១៣កាស៊ីណូហើយ ។ កាស៊ីណូដែលបើកថ្មីនេះមានយីហោថា «កាស៊ីណូផ្កាយប្រាក់» ។
ខេត្តស្វាយរៀង ៖ កាស៊ីណូថ្មីសន្លាងមួយទៀតនៅក្រុងបាវិតត្រូវបានបើកសម្ពោធទទួលភ្ញៀវចូលលេងយ៉ាងគគ្រឹកគគ្រេងនៅព្រឹកថ្ងៃទី៩ កញ្ញា ។ វត្តមានកាស៊ីណូថ្មីនេះទៀតបានបន្ថែមចំនួនកាស៊ីណូនៅក្រុងបាវិតឡើងដល់១៣កាស៊ីណូហើយ ។ កាស៊ីណូដែលបើកថ្មីនេះមានយីហោថា «កាស៊ីណូផ្កាយប្រាក់» ។
បានកត់សម្គាល់ឃើញថា នៅក្នុងទឹកដីក្រុងបាវិតបច្ចុប្បន្ននេះ មានកាស៊ីណូសរុបទាំងអស់ដល់ទៅ១៣កាស៊ីណូហើយ រាប់ទាំងកាស៊ីណូផ្កាយប្រាក់ដែលទើបតែបើកថ្មីនេះទៀតដែលក្នុងនោះមានឈ្មោះទី១-កាស៊ីណូបាវិតម៉ុក បាយ ទី២-កាស៊ីណូវីន ទី៣-កាស៊ីណូបាវិតហ្គ្រោន ទី៤-កាស៊ីណូឆាតូ ទី៥-កាស៊ីណូឡាស់វ៉េហ្គាសសាន់ ទី៦-កាស៊ីណូឡឺម៉ាកាវ ទី៧-កាស៊ីណូពិភពថ្មី ទី៨-កាស៊ីណូថាយថិន រីសត ទី៩-កាស៊ីណូអាស៊ី ទី១០-កាស៊ីណូសាន់ស៊ីធី ១១-កាស៊ីណូ អីមភឺរឺ ១២-កាស៊ីណូវីអាយភី និង១៣-កាស៊ីណូផ្កាយប្រាក់ ។ ប៉ុន្តែក្នុងនោះមានកាស៊ីណូពីរបានផ្អាកដំណើរការទៅហើយ គឺកាស៊ីណូវីអាយភី និងកាស៊ីណូវីន ។
ចំណែកឯកាស៊ីណូចំនួន១១ដែលកំពុងដំណើរការរាល់ថ្ងៃនោះ ត្រូវបានគេដឹងថា ភ្ញៀវដែលចូលទៅលេងភាគច្រើន គឺជាជនជាតិវៀតណាម និងខ្មែរចំតួតែម្តង ។ រីឯភ្ញៀវជនជាតិដទៃទៀតដូចជាកូរ៉េ និងចិនជាដើមនេះគឺមានតិចតួចបំផុត ។ បើទោះបីជាកាស៊ីណូទាំងនោះបានបើកឱ្យជនជាតិខ្មែរចូលលេងយ៉ាងសេរី ខណៈដែលច្បាប់ប្រទេសខ្មែរបានហាមឃាត់ក៏ដោយ ក៏គេពុំដែលឃើញស្ថាប័នពាក់ព័ន្ធណាមួយបានចាត់វិធានការរំខានទៅលើកាស៊ីណូទាំងនោះឡើយ។
ក្រៅពីកាស៊ីណូនៅក្រុងបាវិត ក្នុងខេត្តស្វាយរៀងដដែលមានច្រកព្រំដែន៣ទៀតក៏មានកាស៊ីណូដែរ គឺនៅច្រកបុសមនមាន១ នៅព្រៃវល្លិ៍មាន៤ និងនៅសំរោងមាន២ ។ សរុបកាស៊ីណូនៅខេត្តស្វាយរៀង មានចំនួន២០ទៅហើយដែលអាចជាប់ឯតទគ្គកម្មក្នុងប្រទេសគួរឱ្យកោតក្រែង ។
យោងតាមការស្រង់ស្ថិតិក្រៅផ្លូវការ ពីចំនួនកាស៊ីណូនៅតាមខេត្តជាប់ព្រំដែនប្រទេសវៀតណាម និងថៃបានឱ្យដឹងថា នៅក្រុងប៉ោយប៉ែត ខេត្តបន្ទាយមានជ័យមានកាស៊ីណូ៩ គឺ ៖ ១-ហូលីដេប៉ោយប៉ែត ២-ហូលីដេផាឡេស ៣-ក្រេនដាយម៉ិនស៊ីធី ៤-ប៉ោយប៉ែត រីសត ៥-ត្រូពីកាណា ៦-ហ្គោលដិនក្រោន ៧-ព្រីនសេស ៨-ហូវ៉ាកែនទីង ៩-ផ្កាយប្រាំ ។
ខេត្តព្រះសីហនុមាន៥គឺ ៖ ១-កំពង់សោម ស៊ីធី ២-ហ្វរ ជូណា ៣-ដាយមិនស៊ី ៤-ហ្គោលដិន ស៊ីធី ៥-ហូលីដេ ។
ខេត្តកណ្តាលមានកាស៊ីណូ៤គឺ ៖ ១-កាស៊ីណូហ្គ្រេន ដ្រាហ្កន ២-កាស៊ីណូក្រោន ៣-កាស៊ីណូ ថ្មពេជ្រ ៤-កាស៊ីណូ ម្កុដពេជ្រ ។
ខេត្តកំពង់ចាមមានកាស៊ីណូ៣គឺ ៖ ១-ហេង ហេង ២-ជីអឹមជី (GMG) ៣-ហ្គោដិន (កាស៊ីណូ៧ជាន់) ចំណែកមួយទៀតកំពុងសាងសង់។
ខេត្តកំពតមានកាស៊ីណូ៤កន្លែងគឺ ៖ ១-ហាទៀង វេហ្គា ២-កាស៊ីណូវីម៉ាន ៣-សាន់ដេ ៤-សាំវ៉ៃ ។
ខេត្តកោះកុងមានកាស៊ីណូ១ឈ្មោះកោះកុង រីសត ។
ខេត្តបាត់ដំបងមាន១ឈ្មោះហ្វាង ណាស៊ី ។
ខេត្តក្រចេះមាន១ឈ្មោះហេង ហេង ។
ខេត្តរតនគិរីមាន១កំពុងដំណើរការសាងសង់ ។
ខេត្តព្រះវិហារមានគម្រោងសាងសង់នៅ ច្រកតាថាវ ។
ខេត្តតាកែវ មាន២គឺ ៖ ទី១-ថ្មបីដុំ និងទី២-ថបដាយ អ៊ីមែន ។
ខេត្តព្រៃវែងមាន២គឺ ៖ កោះសំពៅ និងកាស៊ីណូបន្ទាយស្រី ។
ខេត្តឧត្តរមានជ័យ មានកាស៊ីណូ៣គឺ ៖ ១-កាស៊ីណូរ៉ូយ៉ាល់ហិល ២-អូរស្មាច់ រីសត និងកាស៊ីណូមួយទៀតកំពុងសាងសង់នៅច្រកជាំ ។
ខេត្តប៉ៃលិនមានកាស៊ីណូ៣គឺ ៖ ១-កាស៊ីណូម្កុដពេជ្រ ២-កាស៊ីណូ ស៊ីហ្សា ៣-ប៉ៃលិន ផ្លេមីងហ្គោ ។
នៅរាជធានីភ្នំពេញមានកាស៊ីណូ១ គឺឈ្មោះណាហ្គា វើល ។
សរុបកាស៊ីណូនៅទូទាំងប្រទេសមានចំនួន៦១យ៉ាងត្រឹមត្រូវដែលអាចនឹងកើនថែមទៀត ៕
ចែករំលែកព័តមាននេះ