ខេត្តកំពត ៖ ប្រជាពលរដ្ឋ និងមន្ត្រីរាជការដែលប្រើប្រាស់ភ្លើងអគ្គិសនីនៅក្នុងក្រុងកំពត ក៏ដូចជានៅប៉ែកខាងលិចខេត្ត បានត្អូញត្អែរ និងមិនសប្បាយចិត្តចំពោះអ្នកគ្រប់គ្រងអគ្គិសនី ខេត្ត ក៏ដូចជាអ្នកទិញបណ្តាញពីក្រុមហ៊ុន អគ្គិសនីខេត្តទៅធ្វើអាជីវកម្មលក់ឱ្យប្រជាពលរដ្ឋប៉ែកខាងលិចទីរួមខេត្តដែរ គឺចាប់ពីឃុំបឹងទូក រហូតទៅដល់ព្រំប្រទល់
ខេត្តកំពត ៖ ប្រជាពលរដ្ឋ និងមន្ត្រីរាជការដែលប្រើប្រាស់ភ្លើងអគ្គិសនីនៅក្នុងក្រុងកំពត ក៏ដូចជានៅប៉ែកខាងលិចខេត្ត បានត្អូញត្អែរ និងមិនសប្បាយចិត្តចំពោះអ្នកគ្រប់គ្រងអគ្គិសនី ខេត្ត ក៏ដូចជាអ្នកទិញបណ្តាញពីក្រុមហ៊ុន អគ្គិសនីខេត្តទៅធ្វើអាជីវកម្មលក់ឱ្យប្រជាពលរដ្ឋប៉ែកខាងលិចទីរួមខេត្តដែរ គឺចាប់ពីឃុំបឹងទូក រហូតទៅដល់ព្រំប្រទល់ខេត្តព្រះសីហនុ ក្នុងឃុំកោះតូច និងឃុំព្រែកត្នោត ស្រុកទឹកឈូ។
បងប្អូនអ្នកប្រើប្រាស់ភ្លើងអគ្គិសនីទាំងនោះ បានសំណូមពរតាមរយៈការផ្សាយរបស់សារព័ត៌មានកោះសន្តិភាពថា សូមឱ្យអ្នកគ្រប់គ្រងអគ្គិសនីខេត្តពិនិត្យតាមដានបុគ្គលិកបច្ចេកទេសតបណ្តាញភ្លើង និងអ្នកទិញអគ្គិសនីពីក្រុមហ៊ុនទៅចែកចាយលក់ឱ្យប្រជាពលរដ្ឋនៅក្នុងខេត្តផង ព្រោះសព្វថ្ងៃនេះបងប្អូនពិនិត្យឃើញភ្លើងអគ្គិសនីមានតែខេត្តកំពតទេ ដែលសំបូរជាងខេត្តដទៃទៀត ទូទាំងព្រះរាជាណាចក្រកម្ពុជា គឺមានតាំងពីអគ្គិសនីមកពីប្រទេសវៀតណាម អគ្គិសនីក្នុងខេត្តផ្ទាល់ និងវារីអគ្គិសនីកំចាយថែមទៀតផង ។ ប៉ុន្តែបញ្ហាដែលធ្វើឱ្យប្រជាពលរដ្ឋ និងមន្ត្រីរាជការជួបការលំបាកនោះគឺបញ្ហាដាច់ភ្លើងញឹកញាប់ដែលធ្វើឱ្យសម្ភារដែលប្រើដោយថាមពលអគ្គិសនីដូចជាទូរទស្សន៍ ក្បាលវីស៊ីឌី កុំព្យូទ័រ ជាដើមឆាប់ខូច ។ សម្ភារទាំងនេះគឺខូចនៅពេលកំពុងប្រើប្រាស់ ហើយត្រូវដាច់ភ្លើងមិនបានបិទបារ៉ែត ឬកុងតាក់ ពេលភ្លើងបុកឡើងមកវិញ ក៏ឆេះខូចតែម្តង ។
តាមការកត់សម្គាល់ជាទូទៅរបស់ប្រជាពលរដ្ឋអ្នកប្រើប្រាស់អគ្គិសនីនៅទូទាំងខេត្តកំពតបានឱ្យដឹងទៀតថា ជារៀងរាល់ខែគឺចុងខែនីមួយៗចាប់ពីថ្ងៃទី២៤ រហូតដល់ដាច់ខែ ភ្លើងអគ្គិសនីចាប់ផ្តើមដាច់ញឹកញាប់ក្នុងមួយយប់មួយថ្ងៃយ៉ាងតិចពី៥ ទៅ៧លើក មិនដឹងថាមកពីមូលហេតុអ្វីឡើយ ។ បងប្អូនប្រជាពលរដ្ឋលើកឡើងទៀតថា ការធ្វើអាជីវកម្មភ្លើងអគ្គិសនីនៅក្នុងខេត្តកំពតតែមួយ និងខេត្តកែបផងដែរ តម្លៃសេវាប្រើប្រាស់ខុសគ្នា ដូចមេឃ និងដី ពីព្រោះបងប្អូនឃើញជាក់ស្តែង ដូចជានៅស្រុកកំពង់ត្រាចតម្លៃភ្លើងមួយគីឡូវ៉ាត់ម៉ោង៦០០រៀល នៅខេត្តកែប មួយគីឡូវ៉ាត់តម្លៃ៨០០រៀល ។ ដោយឡែកនៅក្នុងក្រុងកំពត១គីឡូវ៉ាត់តម្លៃ១.១០០រៀល រីឯអ្នកធ្វើអាជីវកម្មប៉ែកខាងលិចទីរួមខេត្តកំពតគឺ១គីឡូវ៉ាត់ម៉ោងតម្លៃ១.២០០រៀល ។
ចំពោះបញ្ហាតម្លៃសេវាប្រើប្រាស់បងប្អូនមិនយល់ទាស់ទេ ប៉ុន្តែសំណូមពរសុំកុំឱ្យភ្លើងដាច់ញឹកញាប់ពេកនៅចុងខែនីមួយៗព្រោះធ្វើឱ្យខូចខាត សម្ភាររបស់បងប្អូនដែលប្រើប្រាស់ដោយថាមពលអគ្គិសនីច្រើនណាស់ នាពេលកន្លងមក ។ ទាក់ទិននឹងបាតុភាពមិនប្រក្រតីជុំវិញ ការដាច់ភ្លើងញឹកញាប់នៅចុងខែនីមួយៗជារៀងរាល់ខែនេះ កោះសន្តិភាពបានភ្ជាប់ទូរស័ព្ទទៅលោកឈឹម សឿន ប្រធានអគ្គិសនីកម្ពុជាខេត្តកំពត ដើម្បីសុំការបំភ្លឺដែរ ប៉ុន្តែទោះបីទូរស័ព្ទចូលហើយក្តី ក៏លោកពុំលើកទូរស័ព្ទឆ្លើយតប
ឡើយ ៕
ចែករំលែកព័តមាននេះ