ខេត្តបន្ទាយមានជ័យ ៖ បុរសចំនួន២នាក់បានស្លាប់បន្តបន្ទាប់គ្នានៅយប់តែមួយ ចន្លោះពេលវេលាគ្នាតែជាង៣ម៉ោងប៉ុណ្ណោះ ដែលហេតុការណ៍នេះបានកើតឡើងនៅ យប់ថ្ងៃទី២៧ មេសា ឆ្នាំ២០១១ នៅភូមិផាស៊ីស្រា ឃុំឫស្សីក្រោក ស្រុកមង្គលបុរី ។ លោកវរសេនីយ៍ត្រី ផុន សាលីម អធិការនគរបាលស្រុកមង្គលបុរីបានឱ្យដឹងថា
ខេត្តបន្ទាយមានជ័យ ៖ បុរសចំនួន២នាក់បានស្លាប់បន្តបន្ទាប់គ្នានៅយប់តែមួយ ចន្លោះពេលវេលាគ្នាតែជាង៣ម៉ោងប៉ុណ្ណោះ ដែលហេតុការណ៍នេះបានកើតឡើងនៅ យប់ថ្ងៃទី២៧ មេសា ឆ្នាំ២០១១ នៅភូមិផាស៊ីស្រា ឃុំឫស្សីក្រោក ស្រុកមង្គលបុរី ។ លោកវរសេនីយ៍ត្រី ផុន សាលីម អធិការនគរបាលស្រុកមង្គលបុរីបានឱ្យដឹងថា នាវេលាម៉ោង៧យប់ នៅក្នុងភូមិខាងលើ បុរសឈ្មោះតៅ គឹមអាន អាយុ៤១ឆ្នាំ បានតខ្សែភ្លើងរួចយកព្រីភ្លើងទៅដោតនឹងដុំរូឡូខ្សែ ដើម្បីបំភ្លឺមុខផ្ទះពង្រាបដីក៏ត្រូវខ្សែភ្លើងឆក់បណ្តាលឱ្យដួលសន្លប់។ ភ្លាមៗនោះ ក្រុមគ្រួសារនិងអ្នកជិតខាងបាននាំគ្នាដឹកយកទៅព្យាបាលនៅមន្ទីរពេទ្យ ប៉ុន្តែគួរឱ្យអនិច្ចាជនរងគ្រោះបានស្លាប់ ខណៈពេលបញ្ជូនទៅមន្ទីរពេទ្យនោះ ។
លោកអធិការនគរបាលស្រុកបានបន្តថា ពេលដឹកសពត្រឡប់មកដល់ផ្ទះវិញ ប្រពន្ធកូន និងសាច់ញាតិបងប្អូនបានស្រែកទ្រហោយំយ៉ាងខ្លាំងក្នុងក្តីអាឡោះអាល័យ ។ ចំណែកបុរស ឈ្មោះទូច តុលា អាយុ៦៥ឆ្នាំ ដែលនៅរំលងផ្ទះគ្នា២ទៅ៣ផ្ទះបុរសដែលស្លាប់ ខណៈឮសំឡេងស្រែកទ្រហោយំ ហើយដោយគាត់មានជំងឺលើសឈាមប្រចាំកាយផងក៏បណ្តាលឱ្យតក់ស្លុតរន្ធត់ក្តុកក្តួលរហូតគាំងបេះដូងស្លាប់នៅវេលាម៉ោង១០និង៣០នាទីយប់ថ្ងៃដដែល ។ លោកអធិការបានបន្តទៀតថា សពបុរសទាំង២នាក់ត្រូវបានក្រុមគ្រួសាររៀបចំធ្វើបុណ្យតាមប្រពៃណីដោយក្តីសោកសង្រេងនៃក្រុមគ្រួសារ ៕
ចែករំលែកព័តមាននេះ