ប្រទះឃើញសពជនជាតិស្បែកខ្មៅ២នាក់អណ្ដែតទឹកនៅព្រែកលៀប
ដោយ ៖ អប្សរា
ថ្ងៃសៅរ៏ ទី២០ ខែមិនា ឆ្នាំ២០១០ ម៉ោង ២០:៥៦
កោះសន្តិភាព
សពជនជាតិស្បែកខ្មៅអណ្តែតទឹក
រាជធានីភ្នំពេញ ៖ សពជនជាតិស្បែកខ្មៅ២នាក់ដែលគេអះអាងថា ជាឪពុក និងកូនត្រូវបានគេប្រទះឃើញអណ្ដែតក្នុងទឹកទន្លេមេគង្គជាបន្ដបន្ទាប់ កាលពីវេលាល្ងាចថ្ងៃទី១៧ ខែមីនា និងព្រឹកថៃទី១៨ ខែមីនា ក្នុងភូមិខ្ទរ សង្កាត់ព្រែកលៀប ខណ្ឌឫស្សីកែវ។ ការប្រទះឃើញសពអណ្ដែតទឹកនោះ បន្ទាប់ពីជនបរទេសទាំង២នាក់ទៅមុជទឹកលេងនៅចំណុចនោះកាលពីរសៀលថ្ងៃទី១៧ ខែមីនា ហើយបាត់ខ្លួនពួកគេ ។
ជនជាតិស្បែកខ្មៅនោះ គេពុំដឹងថា ជាជនជាតិអ្វីច្បាស់ទេ តែបើតាមប្រជាពលរដ្ឋនៅក្បែរនោះនិយាយថា ទំនងជាជនជាតិនីហ្សេរីយ៉ា ។ តាមព័ត៌មានឱ្យដឹងថា សពក្មេងប្រុសជនជាតិស្បែកខ្មៅអាយុប្រមាណ៣ឆ្នាំ ត្រូវបានគេប្រទះឃើញអណ្ដែតទឹកកាលពីវេលាម៉ោង៣ និង៣០នាទីរសៀល ថ្ងៃទី១៨ ខែមីនា នៅភូមិខ្ទរ សង្កាត់ព្រែកលៀប និងសពបុរសម្នាក់ទៀត ដែលគេអះអាងថា ជាឪពុករបស់សពក្មេងនោះត្រូវគេប្រទះឃើញ នៅវេលាម៉ោង៧ព្រឹក ថ្ងៃទី១៩ ខែមីនា នៅ ក្បែរគ្នា។
សមត្ថកិច្ចបានពិនិត្យសពរកពុំឃើញមានអត្ដសញាណអ្វីឡើយ ហើយត្រូវបានបញ្ជូនទៅកាន់សាលតំកល់សពមន្ទីរពេទ្យកាល់ម៉ែតដើម្បីស្រាវជ្រាវរកក្រុមគ្រួសារ។
