សម្ដេចតេជោនឹងធ្វើឱ្យអគារ៥៥៥ម៉ែត្រអណ្ដែតទ្បើងយ៉ាងស្គឹមស្គៃនៅទន្លេចតុមុខ
ដោយ ៖ អប្សរា
ថ្ងៃព្រហស្បត្ត៏ ទី៩ ខែកញ្ញា ឆ្នាំ២០១០ ម៉ោង ១០:១៥
សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា នឹងធ្វើឱ្យមានអគារកំពស់៥៥៥ម៉ែត្រ លេចផុសឡើងចំកណ្ដាលទីក្រុងកោះពេជ្រ ដែលនឹងឈរបង្អួតរាងយ៉ាងស្កឹមស្កៃអស្ចារ្យនៅទន្លេចតុមុខ ជាសំណង់អគារគ្មាន២ នៅអាស៊ី និងគ្មាន៣ នៅលើពិភពលោក ។ សម្ដេចអគ្គមហាសេនាបតីតេជោ សតវត្សទី២១ ជាមួយអគារ៥៥៥ម៉ែត្រ នឹងបង្ហាញពិភពលោកឱ្យឃើញពីអតីតអាណាចក្រខ្មែរដ៏រុងរឿង ដែលបានកសាងប្រាសាទព្រះវិហារ ដ៏សែនអស្ចារ្យនៅលើកំពូលភ្នំដងរែក ដោយព្រះបាទសុរិយាវរ្ម័នទី២ និងព្រះបាទជ័យវរ្ម័នទី៧ បានស្ថាបនាទីក្រុងអង្គរដ៏ល្បីល្បាញដែលគ្រប់ៗគ្នា បានឃើញហើយត្រូវតែនិយាយថា អស្ចារ្យណាស់ អស្ចារ្យមែនបុព្វបុរសខ្មែរ អស្ចារ្យមែនអាណាចក្រខ្មែរ ។
គ្រប់ស្ថាបត្យកម្មខ្មែរពួកចោរតែងមានចេតនាចូលប្លន់មិនឈប់មិនឈរជាពិសេស សំណង់ប្រាសាទព្រះវិហារខ្មែរ ដែលពួកសៀម មួយក្ដាប់តូចកំពុងតែបង្កើតរូបមន្ដដើម្បីប្លន់ ដោយបង្កជំលោះជាមួយខ្មែរ និងបានប្រើគ្រប់ល្បិចកល ។ ចាំថាខ្មែរ គឺជាពូជអ្នកកសាងអង្គរ ជាពូជស្ថាបនិកឯក ។ អគារ៥៥៥ម៉ែត្រនេះនឹងរុញប្រទេសកម្ពុជា ចូលទៅរស់នៅក្នុងបេះដូងនៃពិភពលោក ហើយពិភពលោកឆ្លើយតបមកវិញ ដោយការធ្វើដំណើរមកកាន់ប្រទេសកម្ពុជា រាប់ម៉ឺនសែនលាននាក់ ក្នុងគោលបំណងមកទស្សនា មកធ្វើជំនួញ និងមកបង្កើតទំនាក់ទំនងសុំរាប់អាន កម្ពុជាយើងធ្វើជាមិត្ដ ដូច្នេះសូមប្រជាជនកម្ពុជាត្រៀមខ្លួនដើម្បីទទួលស្វាគមន៍ភ្ញៀវ ដែលនឹងមកដ៏ច្រើនលើសលប់។
គ្រប់ការអភិវឌ្ឍតែងមានមតិរិះគន់ ដោយបង្ហាញហេតុផលផ្សេងៗ ខ្លាចបែបនេះខ្លាច បែបនោះ ។ ពិតមែនការព្រួយបារម្ភវាចៀស មិនផុតឡើយ ប៉ុន្ដែការសិក្សាដោយអ្នកជំនាញ ដ៏ច្បាស់លាស់ បានយកជ័យជំនះលើការភ័យ ខ្លាចនេះ ហើយការស្ថាបនាត្រូវតែអនុវត្ដឱ្យ ដល់គោលដៅដែលបានគ្រោងទុក ។ បើរវល់តែ ស្ដាប់យោបល់អ្នកដែលចាំតែថា នោះអ្នកដែល ធ្វើពិតមិនអាចធ្វើអ្វីបានទាំងអស់ ហើយប្រទេសកម្ពុជាក៏គ្មានការអភិវឌ្ឍឡើយ ។
ខ្ញុំយល់ថា អគារ៥៥៥ម៉ែត្រ មិនមែនជា អគារចុងក្រោយនៃសម័យតេជោសតវត្សទី២១នេះទេ ។ បើបុព្វបុរសខ្មែរស្ពាយការខ្លាច ទៅជាមួយនោះមិនអាចសាងសង់ប្រាសាទ ព្រះវិហារដ៏អស្ចារ្យនៅលើកំពូលភ្នំដងរែកបាន ឡើយ។ កាលណាខ្មែររួមគ្នាជាធ្លុង១ កុំថា ឡើយអគារ៥៥៥ម៉ែត្រ ខ្មែរនឹងអាចស្ថាបនា អគារទី២ កំពស់៧៧៧ម៉ែត្រ និងអគារទី៣ កំពស់ ៩៩៩ម៉ែត្រ បានដោយជោគជ័យ ។ ដូចប្រសាសន៍សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ដ្រីនៃព្រះរាជា ណាចក្រកម្ពុជាថា "កុំគ្រាន់តែនាំគ្នាថា ប៉ុន្ដែត្រូវ នាំគ្នាធ្វើ" នោះកម្ពុជានឹងរុងរឿង ៕
