ខេត្តព្រៃវែង ៖ បុរសម្នាក់ត្រូវគេប្រទះឃើញចង.កសម្លាប់ខ្លួននៅបង្គោលភ្លើងមានកម្ពស់ជាង៨ម៉ែត្រ បង្កឱ្យមានការភ្ញាក់ផ្អើល កាលពីវេលាម៉ោង០៥ និង១០នាទីព្រឹកថ្ងៃទី៣០ ធ្នូ ២០១៥ ស្ថិតនៅចំណុចវាលស្រែប្រាំង ក្នុងភូមិបន្លិច ឃុំពាមមានជ័យ ស្រុកពាមរក៍ ខេត្តព្រៃវែង ។
ប្រភពបានឱ្យដឹងថា ជនរងគ្រោះត្រូវបានស្គាល់ឈ្មោះមឿន ហួយ អាយុ២០ឆ្នាំ មានទីលំនៅក្នុងភូមិកើតហេតុ ។ ចំពោះមូលហេតុដែលធ្វើឱ្យជនរងគ្រោះដាច់ចិត្តចង.កសម្លាប់ខ្លួននេះ គឺត្រូវក្រុមគ្រួសារអះអាងថា ដោយសារតែរូបគេខឹងនឹងឪពុកម្តាយ បងប្អូននាំគ្នាស្តីបន្ទោសរឿងរូបគេដើរផឹកស៊ីមិនធ្វើការងារ ។
ប្រភពបន្តថា តាមការពិនិត្យលើសាកសព សមត្ថកិច្ចសន្និដ្ឋានថា ជនរងគ្រោះប្រើខ្សែគោឡើងទៅចង.កសម្លាប់ខ្លួននៅលើបង្គោលភ្លើងប្រហែលជាម៉ោង៦ល្ងាចថ្ងៃទី២៩ ធ្នូ មកម្ល៉េះ ។ លុះព្រឹកថ្ងៃទី៣០ ទើបត្រូវអ្នកស្រុកទៅធ្វើស្រែប្រាំងក្បែរនោះប្រទះឃើញ ទើបបង្កការភ្ញាក់ផ្អើលតែម្តង ។
ចែករំលែកព័តមាននេះ