រាជធានីភ្នំពេញ ៖ គ្រោះថ្នាក់ចរាចរណ៍បង្កឡើងដោយអ្នកបើករថយន្តស៊េរីទំនើប Mercedes GL550 មួយគ្រឿង ក្នុងល្បឿនលឿនហួសកំណត ក៏រេចង្កូតជ្រុលទៅបុកបង្គោលភ្លើងយ៉ាងពេញទំហឹង បណ្តាលឱ្យបាក់រាបដល់ដី តែសំណាងល្អមិនបង្កគ្រោះ
រាជធានីភ្នំពេញ ៖ គ្រោះថ្នាក់ចរាចរណ៍បង្កឡើងដោយអ្នកបើករថយន្តស៊េរីទំនើប Mercedes GL550 មួយគ្រឿង ក្នុងល្បឿនលឿនហួសកំណត ក៏រេចង្កូតជ្រុលទៅបុកបង្គោលភ្លើងយ៉ាងពេញទំហឹង បណ្តាលឱ្យបាក់រាបដល់ដី តែសំណាងល្អមិនបង្កគ្រោះ ថ្នាក់ដល់មនុស្ស ចំណែកអ្នកនៅក្នុងរថយន្តរបួសបន្តិចបន្ទួច ។
ហេតុការណ៍នេះ កើតឡើងកាលពីវេលាម៉ោង០៣ និង២០នាទីទៀបភ្លឺថ្ងៃទី១៩ ធ្នូ ២០១៥ ស្ថិតនៅតាមបណ្តោយផ្លូវជាតិលេខ១៩៣ កែងនិងផ្លូវលេខ៣៦៦ ស្ថិតក្នុងសង្កាត់ទួលស្វាយព្រៃ១ ខណ្ឌចំការមន ។
បុរសជាសន្តិសុខម្នាក់ដែលបានឃើញហេតុការណ៍ឱ្យដឹងថា មុនពេលកើតហេតុ គាត់ឃើញរថយន្ទខាងលើ ពណ៌ស ពាក់ស្លាកលេខភ្នំពេញ2-AJ6888 ដែលក្នុងនោះមានបុរសជនជាតិចិន៣នាក់នៅក្នុងរថយន្ត បានបើកបរតាមបណ្តោយផ្លូវជាតិលេខ១៩៣ ក្នុងទិសដៅពីជើងទៅត្បូងទាំងស្ថានភាពស្រវឹងផងនោះ ស្រាប់តែមកដល់ចំណុចផ្លូវកែងលេង៣៦៦ រថយន្តក៏បួងចង្កូតបត់ទៅខាងឆ្វេងដៃក្នុងល្បឿនលឿន ក៏ជ្រុលទៅបុកបង្គោលភ្លើងបណ្តាលឱ្យរលើងបាក់ដល់ដី និងដាច់ខ្សែភ្លើងរប៉ាត់រប៉ាយពេញផ្លូវ ។ ចំណែករថយន្តរងកាខូចខាតផ្នែកខាងមុខយ៉ាងដំណំ ធ្វើឱ្យរថយន្តទៅមុខលែងរួច ។
ប្រភពបន្តថា បន្ទាប់ពីកើតហេតុភ្លាមៗ អ្នកបើករថយន្តរួមទាំងអ្នកដំណើរជាមួយនោះ ក៏ចុះចេញពីរថយន្តគេចខ្លួនបាត់អស់។ ភ្លាមនោះ សមត្ថកិច្ចមូលដ្ឋានបានចុះមកអន្តរាគមន៍ដល់កន្លែងកើតហេតុ និងសហការជាមួយជំនាញធ្វើការវាស់វែងយករថយន្តបង្ក ទៅរក្សាទុកនៅការិយាល័យចរាចរណ៍ជើងគោក រាជធានីភ្នំពេញ ដើម្បីរង់ចាំការដោះស្រាយ ។
ចែករំលែកព័តមាននេះ