ខេត្តសៀមរាប ៖ បុរសម្នាក់បានស្លា.ប់ភ្លាមៗនៅលើកំណាត់ផ្លូវជាតិលេខ៦ ដោយសារជិះម៉ូតូទាក់ដៃចង្កូតជាមួយម៉ូតូមួយផ្សេងទៀតដួលខ្ទាតចូលក្រោមកង់ក្រោយរថយន្ត
ខេត្តសៀមរាប ៖ បុរសម្នាក់បានស្លាប់ភ្លាមៗនៅលើកំណាត់ផ្លូវជាតិលេខ៦ ដោយសារជិះម៉ូតូទាក់ដៃចង្កូតជាមួយម៉ូតូមួយផ្សេងទៀតដួលខ្ទាតចូលក្រោមកង់ក្រោយរថយន្តខាងស្តំាបណ្តាលឲ្យកិនស្លាប់ភ្លាមៗតែម្តង ។ ឧបទ្ទវហេតុនេះបានកើតឡើងនៅម៉ោង១០និង២០នាទីព្រឹកថ្ងៃទី២៧ វិច្ឆិកា ២០១៥ នៅចំណុចភូមិចុងកៅស៊ូ សង្កាត់-ក្រុងសៀមរាប ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅប៉ុន្មាននាទីមុននេះថា ជនរងគ្រោះដែលស្លាប់ឈ្មោះ នង ទ្រី ភេទប្រុស អាយុ៤៦ឆ្នាំ មុខរបរលក់បន្លែនៅផ្សារលើក្រុងសៀមរាប មានទីលំនៅក្នុងឃុំសណ្តែក ស្រុកបា្រសាទបាគង ជិះម៉ូតូ C125 ព៌ណខ្មៅ ស៊េរីឆ្នាំ២០០៧ ពាក់ស្លាកលេខ សៀមរាប 1E 9947 ។ ចំណែករថយន្តក្រុងប្រភេទ៤៥កៅអី ជារបស់ក្រុមហ៊ុនដឹកជញ្ជូនអ្នកដំណើរ “រិទ្ឋិមុន្នី” ពាក់ស្លាកព៌ណខៀវ ភ្នំពេញ 3C 8565 ។
ក្រោយកើតហេតុ អ្នកបើកបររថយន្តមិនទាន់ស្គាល់អត្តសញ្ញាណបានរត់គេចខ្លួនបាត់ស្រមោល ឃាត់ខ្លួនតែព្រូឡានឈ្មោះ ឌុច សុផល មានស្រុកកំណើតនៅខេត្តកំពត ។
សេចក្តីរាយការណ៍បានបន្តថា មុនពេលកើតហេតុទំាងម៉ូតូនិងរថយន្តបានបើកក្នុងទិសដៅស្របគ្នាពីលិចទៅកើត ដែលរថយន្តបើកចេញពីស្រុកអូរស្មាច់ចូលមកក្រុងសៀមរាប លុះមកដល់ចំណុចកើតហេតុអ្នកបើកម៉ូតូបានជិះទាក់ដៃចង្កូតជាមួយម៉ូតូមួយគ្រឿងផ្សេងទៀត បណ្តាលឲ្យដួលចូលក្រោមរថយន្តកិនស្លាប់ភ្លាមៗតែម្តង ៕
ចែករំលែកព័តមាននេះ