រថយន្ត២គ្រឿងបុកគ្នាខូចខាតទាំងសងខាង
រាជធានីភ្នំពេញ ៖ រថយនុ្តតាក់ស៊ីបុកជាមួយរថយន្តម៉ែរសឺដេសពេញទំហឹង បណ្តាលឱ្យរងកាខូចខាតទាំងសងខាង កាលពីវេលាម៉ោង២និង១៥នាទីរំលងអធ្រាត្រឈានចូលថ្ងៃទី២៦ វិច្ឆិកា ២០១៥
រាជធានីភ្នំពេញ ៖ រថយនុ្តតាក់ស៊ីបុកជាមួយរថយន្តម៉ែរសឺដេសពេញទំហឹង បណ្តាលឱ្យរងកាខូចខាតទាំងសងខាង កាលពីវេលាម៉ោង២និង១៥នាទីរំលងអធ្រាត្រឈានចូលថ្ងៃទី២៦ វិច្ឆិកា ២០១៥
រាជធានីភ្នំពេញ ៖ រថយនុ្តតាក់ស៊ីបុកជាមួយរថយន្តម៉ែរសឺដេសពេញទំហឹង បណ្តាលឱ្យរងកាខូចខាតទាំងសងខាង បង្កឱ្យមានការភ្ញាក់ផ្អើលកាលពីវេលាម៉ោង២និង១៥នាទីរំលងអធ្រាត្រឈានចូលថ្ងៃទី២៦ វិច្ឆិកា ២០១៥ នៅតាមបណ្តោយផ្លូវលេខ៣១០និងផ្លូវលេខ៦៣ ស្ថិតក្នុងសង្កាត់បឹងកេងកងទី១ ខណ្ឌចំការមន ។
សាក្សីនៅកន្លែងកើតហេតុ បានឱ្យដឹងថា មុនពេលកើតហេតុ គេឃើញរថយន្តមួយគ្រឿងម៉ាកម៉ែរសឺដេស ពណ៌ទឹកប្រាក់ ពាក់ស្លាកលេខភ្នំពេញ2A-4242 បើកយ៉ាងលឿនពីត្បូងទៅជើង តាមផ្លូវលេខ៦៣ ចំណែករថយន្តតាក់ស៊ីម៉ាក SONATA ពណ៌ទឹកប្រាក់ ពាក់ស្លាកលេខ AT១៥-2០៥០២ បើកបរតាមផ្លូវលេខ៣១០ ពីកើតទៅលិច ក្នុងល្បឿនលឿនដូចគ្នា លុះមកដល់ចំណុចកើតហេតុផ្លូវកែងក៏បុកជាមួយរថយន្តម៉ែរសឺដេសពេញទំហឹង អូសជាង១០ម៉ែត្រ បណ្តាលឲ្យរថយន្តបង្កខ្ទេចមួយកំណាត់ខាងមុខ តែមិនមានអ្នករងរបួសនោះទេ ។
ក្រោយកើតហេតុ សមត្ថកិច្ចមកដល់ធ្វើការវាស់វែងយករថយន្តទាំង២គ្រឿងទៅរក្សាទុកនៅការិយាល័យនគរបាលចរាចរណ៍ផ្លូវគោករាជធានីភ្នំពេញ ដើម្បីរង់ចាំដោះស្រាយតាមច្បាប់ ៕
ចែករំលែកព័តមាននេះ