ខេត្តកណ្តាល ៖ បុរសម្នាក់អះអាងថា ខ្លួនយល់សប្តិអាក្រក់មមើរមមាយមិនដឹង ក៏ទាញកាំបិតផ្គាក់ពីក្បាលដំណេកចេញពីក្នុងផ្ទះរបស់ខ្លួន ទៅកា.ប់ប្អូនជីដូនមួយចំនួន២កាំបិតដែលកំពុងដេកលក់នៅក្នុងផ្ទះរងរបួសធ្ងន់ ទើបដឹងខ្លួនវិញ ។ ហេតុការណ៍នេះកើតឡើង កាលពីវេលាម៉ោង១១ និង៣០នាទីយប់ថ្ងៃទី១១ វិច្ឆិកា ស្ថិតនៅចំណុចបរិវេណឡឥដ្ឋ ក្នុងភូមិក្រោម ឃុំព្រែកអញ្ចាញ ស្រុក
ខេត្តកណ្តាល ៖ បុរសម្នាក់អះអាងថា ខ្លួនយល់សប្តិអាក្រក់មមើរមមាយមិនដឹង ក៏ទាញកាំបិតផ្គាក់ពីក្បាលដំណេកចេញពីក្នុងផ្ទះរបស់ខ្លួន ទៅកាប់ប្អូនជីដូនមួយចំនួន២កាំបិត ដែលកំពុងដេកលក់នៅក្នុងផ្ទះរងរបួសធ្ងន់ ទើបដឹងខ្លួនវិញ ។ ហេតុការណ៍នេះកើតឡើង កាលពីវេលាម៉ោង១១ និង៣០នាទីយប់ថ្ងៃទី១១ វិច្ឆិកា ស្ថិតនៅចំណុចបរិវេណឡឥដ្ឋ ក្នុងភូមិក្រោម ឃុំព្រែកអញ្ចាញ ស្រុកមុខកំពូល ។
មន្ត្រីនគរបាលស្រុកមុខកំពូលឱ្យដឹងថា ជនសង្ស័យឈ្មោះសុខ បូរ៉ា ភេទប្រុស អាយុ៥៤ឆ្នាំ ជាកម្មករឡឥដ្ឋជាមួយគ្នា ។ ចំណែកជនរងគ្រោះឈ្មោះកាន់ ឈឿន ភេទប្រុស អាយុ៤៥ឆ្នាំ ជាកម្មករឡឥដ្ឋ (រងរបួសធ្ងន់) ត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យទាំងយប់ ។
ជនសង្ស័យឱ្យដឹងថា កាលពីវេលាយប់ថ្ងៃទី១១ វិច្ឆិកា នោះ ក្រោយពីហូបាយល្ងាចហើយ ខ្លួនបានឱ្យប្រពន្ធកោសខ្យល់ឱ្យ ហើយក៏សម្រាន្តលក់នៅក្នុងផ្ទះទៅ ។ លុះដល់ម៉ោង១១ និង៣០នាទីយប់ ជនសង្ស័យឈ្មោះសុខ បូរ៉ា បានមមើរយល់សប្តិអាក្រក់ឃើញថា មានយោធាមកបាញ់គ្នានៅក្នុងបរិវេណឡឥដ្ឋ បណ្តាលឱ្យស្លាប់មនុស្សច្រើននាក់ ។
ក្នុងពេលនោះ ខ្លួនបានទាញកាបិតផ្គាក់ពីក្បាលដំណេកដើរចេញពីក្នុងផ្ទះខ្លួនយ៉ាងលឿន បានទៅកាប់ជនរងគ្រោះ ដែលកំពុងដេកលក់នៅគ្រែផ្ទះជិតផ្ទះចំនួន២កាំបិត ដោយក្នុងយល់សប្តិឃើញថា ជនរងគ្រោះជាខ្មោច ទើបជនសង្ស័យកាប់ចំនួន២កាំបិត បណ្តាលឱ្យរងរបួសធ្ងន់ ហើយនាំគ្នាស្រែកឆោឡោឡើង ទើបជនសង្ស័យដឹងខ្លួនឡើងថា ខ្លួនយល់សប្តិអាក្រក់កាប់ខ្មោច គឺមិនមានចេតនាទៅកាប់ប្អូនជីដូនមួយរបស់ខ្លួនឡើយ ។
ហើយគេនាំគ្នាជួយបញ្ជូនជនរងគ្រោះទៅពេទ្យទាំងយប់នោះ លុះដល់ព្រឹកថ្ងៃទី១២ វិច្ឆិកា ជនសង្ស័យក៏ត្រូវនគរបាលចាប់ខ្លួនតែម្តង ។
ចែករំលែកព័តមាននេះ