រាជធានីភ្នំពេញ ៖ ម៉ូតូម៉ាកហុងដាវ៉េវ១គ្រឿង បានរងការខូចខាតទាំងស្រុង ក្លាយទៅជាដែកអេតចាយ ដោយសារត្រូវរថយន្តហ៊ីយ៉ាន់ដាយដឹកស៊ីម៉ង់ត៍១គ្រឿង បើកបុកនិងកិនទាំងកំរោល ខណៈធ្វើដំណើរបញ្ច្រាសទិសគ្នា ។ បន្ទាប់មក ម៉ូតូនោះបានបើកឆ្លងផ្លូវ ប៉ុន្តែជាសំណាងល្អ អ្នកជិះម៉ូតូបានលោតចេញទាន់ កុំអីត្រូវរថយន្តកិនសំប៉ែតដូចចេកចៀនស្លាប់បាត់ទៅហើយ ។ ក្រោយពេលកើតហេតុខាងភាគីរថយន្តបង្ក បានចេញសំណងទៅម្ចាស់ម៉ូតូចំនួន១៥០ដុល្លារ ជាការបញ្ចប់រឿងនៅនឹងកន្លែងកើតហេតុនោះតែម្ដង។
ហេតុការណ៍នេះ កើតឡើងកាលពីវេលាម៉ោង១២ និង៤០នាទីរសៀលថ្ងៃទី៩ វិច្ឆិកា ២០១៥ នៅលើកំណាត់មហាវិថីសហព័ន្ធ
រុស្ស៊ី ត្រង់ចំណុចដងនង្គ័លមុខបុរីព្រីនថោន ក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
រថយន្តបង្កម៉ាកហ៊ីយ៉ាន់ដាយ ពណ៌ខៀវ ពាក់ស្លាលលេខក្រុងព្រះសីហនុ 3A-0797 ចំណែកម៉ូតូម៉ាកវ៉េវកញ្ចាស់ ហើយទាំងអ្នកបើកបររថយន្ត និងអ្នកជិះម៉ូតូមិនបានប្រាប់ពីឈ្មោះរបស់ខ្លួនឡើយ ។
តាមប្រភពព័ត៌មានបានឱ្យដឹងថា នៅមុនពេលកើតហេតុ ម៉ូតូបានបើកបរធ្វើដំណើរក្នុងទិសដៅពីលិចទៅកើត ចំណែករថយន្តបើកបរ ក្នុងទិសដៅពីលើតទៅលិចបញ្ច្រាស់ទិសគ្នា ។ លុះពេលទៅដល់ត្រង់ចំណុចកើតហេតុ ម៉ូតូបានបត់ឆ្លងផ្លូវធ្វើឱ្យរថយន្តវាក់ជាន់ហ្វ្រាំងមិនទាន់ ក៏បានបុកកិនម៉ូតូទាំងកំរោល បណ្ដាលឱ្យម៉ូតូនោះ រងការខូចខាតក្លាយទៅជាដែកអេតចាយ ខណៈនោះសំណាងល្អ ។
អ្នកបើកបរម៉ូតូបានលោតចេញទាន់ ទើបគ្មានគ្រោះថ្នាក់ បន្ទាប់មកភាគីទាំងពីរបានសម្រុះសម្រួលគ្នា រយៈពេលប្រមាណ១ម៉ោង ទើបត្រូវរ៉ូវគ្នាដោយខាងភាគីម្ចាស់រថយន្តបានចេញសំណងចំនួន១៥០ដុល្លារ ទៅឱ្យភាគីម្ចាស់ម៉ូតូជាការបញ្ចប់រឿងនៅកន្លែងកើតហេតុនោះតែម្ដង ។
ចែករំលែកព័តមាននេះ