ប្រទេសថៃ ៖ ប្រព័ន្ធសន្តិសុខអីុនធើរណេត របស់ថៃស្ថិតក្នុងហានិភ័យខ្ពស់ ដោយសារតែថៃជាប់នៅក្នុងចំណោមទិសដៅលំដាប់កំពូលលើពិភពលោកចំពោះការវាយប្រហារធនាគារតាមអនឡាញ ក៏ដូចជាបង្កមេរោគ
ប្រទេសថៃ ៖ ប្រព័ន្ធសន្តិសុខអីុនធើរណេត របស់ថៃស្ថិតក្នុងហានិភ័យខ្ពស់ ដោយសារតែថៃជាប់នៅក្នុងចំណោមទិសដៅលំដាប់កំពូលលើពិភពលោកចំពោះការវាយប្រហារធនាគារតាមអនឡាញ ក៏ដូចជាបង្កមេរោគ ឬធ្វើឲ្យរអាក់រអួលនៃប្រតិបត្តិការលក់តាមម៉ាស៊ីនឆូតកាត ក៏ដូចជាការព្រមានដល់ក្រុមហ៊ុនសន្តិសុខបណ្តាញសូហ្វែរTrend Micro Inc របស់ជប៉ុនជាដើម ។
លោក Dhanya Thakkar អគ្គនាយគ្រប់គ្រងប្រចាំតំបន់អាស៊ីប៉ាស៊ីហ្វិកបានថ្លែងថា «ការកើនឡើងនៃអ្នកប្រើប្រាស់អុីនធើរណេតនៅប្រទេសថៃជាសញ្ញាដែលអនុញ្ញាតឲ្យពួកជនទុច្ចរិត(Hackers) អាចមានឱកាសកាន់តែច្រើននៅក្នុងការវាយប្រហារសកម្មភាពផ្សេងៗរបស់បណ្តាធនាគារដែលប្រតិបត្តិការតាមបណ្តាញអនឡាញរបស់ប្រជាជាតិមួយនេះ » ។
នៅក្នុងអំឡុងត្រីមាសទី២ ការចម្លងមេរោគដល់ធនាគារដែលប្រកបអាជីវកម្មតាមអនឡាញនៅប្រទេសថៃស្មើនឹង៣%នៃការឃើញនៅលើ សកលលោក ។
វីវុស Malware ត្រូវបានគេប្រើប្រាស់សម្រាប់ធ្វើឲ្យរអាក់រអួល និងរំខានដល់ប្រព័ន្ធសូហ្វែរប្រតិបត្តិការរបស់កុំព្យូទ័រ ឬការប្រមែប្រមូលព័ត៌មាននានា ក៏ដូចជាការទទួលបាននូវប្រតិបត្តិការនៃប្រព័ន្ធកុំព្យូទ័រឯកជនផងដែរ ។
គិតចាប់ពីថ្ងៃ៣០មិថុនាមក ប្រទេសថៃបានជាប់ចំណាត់ថ្នាក់ក្នុងចំណោមបណ្តាប្រជាជាតិដែលស្ថិតក្រោមការគំរាមកំហែងទាំង១០ចំពោះការចម្លងមេរោគដល់សូហ្វែរម៉ាស៊ីនឆូតកាត ឬកុំព្យូទ័រដែលប្រើប្រាស់ប្រព័ន្ធប្រតិបត្តិការ Windows XP ហួសសម័យ ។
ជាងនេះទៅទៀត ថៃក៏បានជាប់លំដាប់លេខរៀងទី៧ដែរគឺស្មើនឹង៣%នៃការចម្លងមេរោគដល់ប្រតិបត្តិការម៉ាស៊ីនឆូតកាត ។
ចំណែកបណ្តាប្រទេសដែលជាប់លំដាប់លេខរៀងជាបន្តបន្ទាប់នោះរួមមាន សហរដ្ឋអាមេរិក(៣៧%) ប្រេស៊ីល(១០%) កោះតៃវ៉ាន់(៨%) អូទ្រីស(៦%) និងជប៉ុន(៤%)។
ក្រុមហ៊ុន Trend Micro បានរកឃើញនូវការចម្លងមេរោគជាមធ្យម១៧.០០០នៅទូទាំងប្រទេសថៃក្នុងអំឡុងឆមាសទី១ឆ្នាំនេះ ។
នៅក្នុងផ្នែកហានិភ័យសន្តិសុខអីុនធើរណេតទាំងមូល ថៃស្ថិតក្នុងលំដាប់លេខរៀងទី៣នៅក្នុងអាស៊ាន បន្ទាប់ពីវៀតណាម និងឥណ្ឌូណេស៊ី ។
លោក Thakkar បានថ្លែងថា «ការគំរាមកំហែងសន្តិសុខអុីនធើរណេតនៅថ្ងៃអនាគត នឹងក្លាយជាការវាយប្រហារលើបណ្តាញគ្រឿងអេឡិចត្រូនិកលើហេដ្ឋារចនាសម្ព័ន្ធសំខាន់ៗ ការកើនឡើងនៃការវាយប្រហារឬរំខានតាមបណ្តាញអនឡាញឬមួយក៏ពួក Hackers ចូលលួចប្រាក់មួយចំនួនតូចដែលវាលំបាកនឹងធ្វើការកត់សម្គាល់ »។
ចំណែកលោក Tuang Cheevatadavirut អ្នកវិភាគជាន់ខ្ពស់ផ្នែកទីផ្សាររបស់ក្រុមហ៊ុន IDC Thailand បានថ្លែងថា ការវិនិយោគរបស់បណ្តាក្រុមហ៊ុនថៃនានានៅក្នុងផ្នែកសន្តិសុខអុីនធើរណេតនៅតែមានកម្រិតខ្សោយដដែលបើទោះជាមានការកើនឡើងនៅក្នុងហានិភ័យយ៉ាងណាក្តី ។
ក្រុមហ៊ុនIDCបានព្យាករទុកនៅឆ្នាំ២០១៧ ៧៥%នៃបណ្តាក្រុមហ៊ុនធំៗនឹងទទួលរងនូវការគំរាមកំហែងជាទម្លាប់នៅលើព័ត៌មានដ៏ឆ្លាតវៃ ដែលបន្ថែមបន្ថយឲ្យស្របតាមឧស្សាហកម្ម ក្រុមហ៊ុន និងយីហោរបស់ពួកគេ ។
ក្រុមហ៊ុនផ្តល់សេវាផ្ទុកទិន្នន័យនិងពាណិជ្ជកម្មនឹងជ្រើសយកការផ្ទៀងផ្ទាត់ឬបំលែងកូដទិន្នន័យដែលមានសុវត្ថិភាពនៅក្នុងប្រព័ន្ធស្តុកទិន្នន័យ។ក្នុងនោះក៏មានការព្យាករទុកថា ២០%នៃទិន្ន ន័យកម្មសិទ្ធិករ នឹងត្រូវបានបំលែងកូដសុវត្ថិភាពក្នុងឆ្នាំនេះ កើនឡើង៨០%នៅឆ្នាំ២០១៨ ៕
ចែករំលែកព័តមាននេះ