រាជធានីភ្នំពេញ ៖ ២នាក់ប្តីប្រពន្ធខំគេចខ្លួនអស់រយៈពេល៥ឆ្នាំពាក់ព័ន្ធករណីប្រព្រឹត្តបទល្មើសជួញដូរមនុស្សឆ្លងដែនពីកម្ពុជាទៅប្រទេសថៃដោយខុសច្បាប់ កាលពីព្រឹកថ្ងៃទី១៥ ខែកញ្ញា ឆ្នាំ២០១៥ ត្រូវបានកម្លាំងសមត្ថកិច្ច
រាជធានីភ្នំពេញ ៖ ២នាក់ប្តីប្រពន្ធខំគេចខ្លួនអស់រយៈពេល៥ឆ្នាំពាក់ព័ន្ធករណីប្រព្រឹត្តបទល្មើសជួញដូរមនុស្សឆ្លងដែនពីកម្ពុជាទៅប្រទេសថៃដោយខុសច្បាប់ កាលពីព្រឹកថ្ងៃទី១៥ ខែកញ្ញា ឆ្នាំ២០១៥ ត្រូវបានកម្លាំងសមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនិតិជនរាជធានីភ្នំពេញ តាមចាប់ខ្លួនបានដល់ខេត្តកំពត ។
ជនសង្ស័យទាំង២នាក់ ប្តីឈ្មោះ នុត នាក់សំអាត ហៅ តឿ សារ៉េត អាយុ៣៤ឆ្នាំ និងប្រពន្ធឈ្មោះ អ៊ុច សុភី អាយុ៣៤ឆ្នាំ មានទីលំនៅភូមិពន្លៃ ឃុំតាភេម ស្រុកអង្គរជ័យ ខេត្តកំពត ។
ការចាប់ខ្លួនប្តីប្រពន្ធ២នាក់ខាងលើនេះ ត្រូវបានលោកវរសេនីយ៍ទោ កែវ ធា ប្រធានការិយាល័យប្រឆាំងការជួញដូរមនុស្ស និងការពារអនិតិជនរាជធានីភ្នំពេញ ឲ្យដឹងថា ជាការអនុវត្តតាមសាលក្រមរបស់សាលាដំបូងរាជធានីភ្នំពេញ ដែលបានផ្តន្ទាទោសពួកគាត់រួចហើយ ជាប់ចោទពីបទការនាំយកចេញដោយមិនស្របច្បាប់សម្រាប់ឆ្លងដែន ។
ក្រោយពីឃាត់ខ្លួន សមត្ថកិច្ចបាននាំប្តី-ប្រពន្ធ២នាក់នេះមកកាន់រាជធានីភ្នំពេញ ដើម្បីប្រគល់ជូនតុលាការ និងយកទៅឃុំខ្លួនតាមអំណាចសលក្រមដែលមានស្រាប់នោះ ៕
ចែករំលែកព័តមាននេះ