ម៉ូតូ២គ្រឿងបុកគ្នាស្លា.ប់ម្នាក់ របួសធ្ងន់ម្នាក់នៅក្រុងស្ទឹងត្រែង
ខេត្តស្ទឹងត្រែង ៖ យុវជនម្នាក់បានស្លា.ប់ភ្លាមៗ ខណៈបញ្ចូនទៅសង្គ្រោះនៅមន្ទីរពេទ្យបង្អែកខេត្តកាលពីវេលាម៉ោង៧ និង២០នាទីយប់ ថ្ងៃទី១ កញ្ញា ២០១៥
ខេត្តស្ទឹងត្រែង ៖ យុវជនម្នាក់បានស្លាប់ភ្លាមៗ ខណៈបញ្ចូនទៅសង្គ្រោះនៅមន្ទីរពេទ្យបង្អែកខេត្តកាលពីវេលាម៉ោង៧ និង២០នាទីយប់ ថ្ងៃទី១ កញ្ញា ២០១៥ បន្ទាប់ពីជួបគ្រោះថ្នាក់ចរាចណ៍រវាងម៉ូតូ និងម៉ូតូនៅកំណាត់ផ្លូវជាតិលេខ៧ ភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង។
ប្រភពព័ត៌មានពីមន្ត្រីនគរបាលចរាចណ៍ជើងគោកឲ្យដឹងថា ជនរងគ្រោះមានឈ្មោះជុំ ជីសុំមនោ ភេទប្រុស អាយុ២១ឆ្នាំ ជាសិស្សគរុកោសិស្ស រស់នៅភូមិហាងសាវ៉ាត ឃុំសាមឃួយ ស្រុកសេសាន ។
មន្ត្រីនគរបាលចរាចណ៍បានបញ្ជាក់ថា ជនរងគ្រោះឈ្មោះ ជុំ ជីសុំមនោ ដែលស្លាប់ បើកបរម៉ូតូម៉ាកឌ្រីមC១២៥ ពណ៌ខ្មៅ ពាក់ស្លាក់លេខស្ទឹងត្រែង១A.៥២១៩ ទៅកៀរម៉ូតូម៉ាកសង់កូរ៉េ ពណ៌ក្រហម អត់ស្លាក់លេខបើកបរដោយឈ្មោះ ចយ ភេទប្រុស អាយុ៦៥ឆ្នាំ រស់នៅភូមិស្រែពោធិ៍ សង្កាត់ស្រះឬស្សី ក្នុងគោលដៅស្របទិសគ្នាបណ្តាលឲ្យរបួសធ្ងន់បាក់ជើងខាងឆ្វេង៕
ចែករំលែកព័តមាននេះ