ខេត្តរតនគីរី ៖ ពិរុទ្ធជនម្នាក់នៅពន្ធនាគារភ្នំស្វាយ ខេត្តរតនគីរី បានបាត់បង់ជីវិតតាមផ្លូវ កាលពីវេលាម៉ោង១១ និង៣០នាទី ថ្ងៃទី២៩ សីហា ២០១៥ ខណៈពេលមន្ត្រីអនុរក្សដឹកយកទៅសង្គ្រោះនៅមន្ទីរពេទ្យបង្អែកខេត្ត ។
ខេត្តរតនគីរី ៖ ពិរុទ្ធជនម្នាក់នៅពន្ធនាគារភ្នំស្វាយ ខេត្តរតនគីរី បានបាត់បង់ជីវិតតាមផ្លូវ កាលពីវេលាម៉ោង១១ និង៣០នាទី ថ្ងៃទី២៩ សីហា ២០១៥ ខណៈពេលមន្ត្រីអនុរក្សដឹកយកទៅសង្គ្រោះនៅមន្ទីរពេទ្យបង្អែកខេត្ត ។
ឧត្ដមអាគានុរក្ស៣ ខេត្តរតនគីរី លោក ទីន សុវណ្ណនី បានឱ្យដឹងថា ពិរុទ្ធជនដែលស្លាប់នោះឈ្មោះ រចំ ផ្ចិត ភេទប្រុស អាយុ១៥ឆ្នាំ ជនជាតិចារាយ ចាប់ខ្លួនថ្ងៃទី៤ ខែមិថុនា ឆ្នាំ២០១៥ នៅភូមិ-ឃុំកើតហេតុខាងលើ ។
មុនពេលស្លាប់ឈ្មោះ រចំ ផ្ចិតនេះបានចេញទៅហាត់ប្រាណនៅពេលព្រឹក ដូចគេដូចឯង បន្ទាប់ពីហាត់ប្រាណរួច ហូបបាយហើយចូលបន្ទប់វិញ ក្រោយមកក៏ទៅងូតទឹក ស្លៀកពាក់រួចក៏ស្រែកថាចុកពោះខ្លាំង ភ្លាមនោះមន្ត្រីអនុរក្សក៏ប្រញាប់ប្រញាលបញ្ជូនទៅមន្ទីរពេទ្យ ពេលមកដល់មន្ទីរ គ្រូពេទ្យថា ស្លាប់បាត់ទៅហើយ ។
ប្រធានមន្ទីរពេទ្យបង្អែកខេត្ត លោក ហ៊ីងផាន សគន្ធា បានបញ្ជាក់ថា សពនេះបានស្លាប់តាំងពីមុនមកដល់មន្ទីរពេទ្យម្លេះ ហើយការស្លាប់នេះដោយសារខ្យល់គរ ។
ក្រោយពីលោកព្រះរាជអាជ្ញារងសាលាដំបូងខេត្ត ព្រមទាំងសមត្ថកិច្ចជំនាញបានពិនិត្យសពរួច និងធ្វើកោសលវិច្ច័យរួច ក៏ធ្វើកំណត់ហេតុប្រគល់សពជូនគ្រុមគ្រួសារយកទៅធ្វើបុណ្យតាមប្រពៃណីជនជាតិដើមភាគតិច ៕
ចែករំលែកព័តមាននេះ