ខេត្តកំពង់ឆ្នាំង ៖ សេចក្តីរាយការណ៍បានឱ្យដឹងថា ជនសង្ស័យ៣នាក់ ត្រូវកម្លាំងសមត្ថកិច្ចធ្វើការស្រាវជ្រាវចាប់ខ្លួនបាននៅនិងផ្ទះរបស់ខ្លួន កាលពីវេលាម៉ោង០២ និង៤៥នាទីរសៀលថ្ងៃទី២៦ សីហា ២០១៥ ស្ថិតនៅចំណុចភូមិមោង ឃុំក្បាលទឹក ស្រុកទឹកផុស ខេត្តកំពង់ឆ្នាំង បន្ទាប់ពីពួកគេទាំង៣នាក់ ធ្វើសកម្មភាពវាយសម្លា.ប់បុរសចំណាស់ម្នាក់យ៉ាងឃោរឃៅ រួចយកសពទម្លាក់ក្បែរជើង
ខេត្តកំពង់ឆ្នាំង ៖ សេចក្តីរាយការណ៍បានឱ្យដឹងថា ជនសង្ស័យ៣នាក់ ត្រូវកម្លាំងសមត្ថកិច្ចធ្វើការស្រាវជ្រាវចាប់ខ្លួនបាននៅនិងផ្ទះរបស់ខ្លួន កាលពីវេលាម៉ោង០២ និង៤៥នាទីរសៀលថ្ងៃទី២៦ សីហា ២០១៥ ស្ថិតនៅចំណុចភូមិមោង ឃុំក្បាលទឹក ស្រុកទឹកផុស ខេត្តកំពង់ឆ្នាំង បន្ទាប់ពីពួកគេទាំង៣នាក់ ធ្វើសកម្មភាពវាយសម្លាប់បុរសចំណាស់ម្នាក់យ៉ាងឃោរឃៅ រួចយកសពទម្លាក់ក្បែរជើងភ្នំគ្រញូង ដោយខឹងជនរងគ្រោះចេះអំពើអាបធ្មប់ ។
ប្រភពបានឱ្យដឹងថា ជនសង្ស័យទាំង៣នាក់ ១-ឈ្មោះដួង ចិត្ត អាយុ២១ឆ្នាំ ២-ឈ្មោះឃឹម សុខខា អាយុ២០ឆ្នាំ និង៣-ឈ្មោះឃឹម សុខឃីម អាយុ២២ឆ្នាំ រីឯជនរងគ្រោះឈ្មោះមិក ខាន់ អាយុ៤៨ឆ្នាំ ទាំង៤នាក់ មានទីលំនៅក្នុងភូមិ-ឃុំកើតហេតុខាងលើ ។
បន្ទាប់ពីចាប់ខ្លួនជនសង្ស័យទាំង៣នាក់បានសារភាពថា ពួកខ្លួនពិតជាបានសម្លាប់ជនរងគ្រោះពិតប្រាកដមែន ដោយមុនដំបូង ពួកគេបានទិញស្រា និងហៅជនរងគ្រោះឱ្យផឹកជាមួយនៅឯម្តុំក្បាលស្រែខាងជើងភូមិ ហើយក៏បាននិយាយអង្វរទៅកាន់ជនរងគ្រោះថា «តាឯង ដោះអំពើអាបធ្មប់ចេញពីបងប្អូនខ្ញុំទៅ ព្រោះកំពុងឈឺធ្ងន់ណាស់» ពេលនោះ ជនរងគ្រោះឆ្លើយថា «ដោះម៉េចកើត បើគាត់អត់ចេះអំពើអាបធ្មប់អីហ្នឹងផង» ។
ពេលនោះបានធ្វើឱ្យពួកគេមានការខឹងសម្បារ ក៏ចាប់ជនរងគ្រោះវាយរហូតដល់សន្លប់ ។ បន្ទាប់មក ពួកគេបានសែងជនរងគ្រោះទៅជើងភ្នំគ្រញូង និងបានយកដំបង ពូថៅ កាប់ទៅលើជនរងគ្រោះបន្ថែមទៀត បណ្តាលឱ្យស្លាប់តែម្តង រួចពួកគេក៏ត្រឡប់មកផ្ទះវិញ ។ តែសពជនរងគ្រោះ ត្រូវបានអ្នកភូមិប្រទះឃើញ ក៏រាយការណ៍ជូនសមត្ថកិច្ចធ្វើការស្រាវជ្រាវចាប់ឃាត់ខ្លួនបានតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ