រាជធានីភ្នំពេញ ៖ សេចក្តីរាយការណ៍បានឱ្យដឹងថា នៅមុននេះ មានករណីប្រជាពលរដ្ឋនាំគ្នាព័ទ្ធចាប់ជនសង្ស័យ២នាក់ ខណៈជនទាំង២នាក់នោះបានរត់ចូលកាត់ស្រែមួយកន្លែង បន្ទាប់ពីធ្វើសកម្មភាពលួចម៉ូតូរបស់ប្រជាពលរដ្ឋ រួចព្យាយាមជិះគេចខ្លួន ដែលហេតុការណ៍នេះ បង្កឱ្យភ្ញាក់ផ្អើលកាលពីវេលាម៉ោង០៨ និង៤០នាទីព្រឹកថ្ងៃទី២៥ សីហា ២០១៥ នេះ ស្ថិតនៅចំណុចភូមិពង្រ សង្កាត់ស្នោ ខណ្ឌពោធិ៍សែនជ័យ ។
ប្រភពបានឱ្យដឹងថា ជនសង្ស័យទាំង២នាក់ ម្នាក់ឈ្មោះគង់ រិទ្ធ អាយុ៣០ឆ្នាំ មានទីលំនៅក្នុងភូមិសែនសុខ សង្កាត់ឃ្មួញ និងម្នាក់ទៀតឈ្មោះហម ប្រុស អាយុ៣១ឆ្នាំ មានទីលំនៅភូមិសែនសុខ៥ សង្កាត់ឃ្មួញ ទាំង២នាក់ជិះម៉ូតូឌ្រីម០១៥មួយគ្រឿង ។ ចំណែកឯជនរងគ្រោះ ជាម្ចាស់ម៉ូតូឈ្មោះប្រុស ស្រ៊ុន អាយុ៤៦ឆ្នាំ មានទីលំនៅភូមិអករំដួល សង្កាត់សំរោងក្រោម ខណ្ឌពោធិ៍សែនជ័យ ជិះម៉ូតូឌ្រីម០១២ ។
ប្រភពបន្តថា មុនពេលកើតហេតុ ម្ចាស់ម៉ូតូបានជិះត្រឡប់មកពីផ្សារវិញ ក៏ចតម៉ូតូទុកនៅមុខផ្ទះ ដោយមិនបានដកសោចេញទេ ស្រាប់តែជនសង្ស័យឃើញដូច្នេះ ក៏កាច់សោបញ្ឆេះជិះរត់តែម្តង ។ ជនសង្ស័យទាំង២នាក់ បានព្យាយាមជិះគេចខ្លួនបានប្រហែលជា១គីឡូម៉ែត្រ ក៏ផ្តួលម៉ូតូចោលទាំង២គ្រឿង រួចហើយចុះរត់កាត់ស្រែ ក៏ត្រូវប្រជាពលរដ្ឋព័ទ្ធចាប់បានស្វាគមន៍ម្នាក់មួយដៃមួយជើងតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ